JOEL 2:12 - Cho Bible Common Language 2016

¹² “Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

JOEL 2:12 Referans Kwoze

HOSEA 12:6

Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

1 SAMUEL 7:6

Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

ISAIAH 58:4

Ei nami hlawi naw ning kiawipang sak gui ci, nangmi ng’vaw u ne, nami ng’tuk ci. Shinah mäih ah ei nami hlawi nak naw, nangmi ah taigü ka nng ngaih pe gui khai ah, na ci hning khai ah nami ngai ne ma?

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

MALAKHI 1:9

Tuhbäi tagü gui aw, mikmi ah khan ah ani vai ah Khanpughi cu ng’shi thäh vä. Ani naw nami taigü kä ning m’shang gui khai nei. Cun cu nami katnak ah kyak khai.

PHYAWN NAK 33:5

Moses naw chang gui am’thein gui vai ah Bawipa ah thumkhän cu, “Nangmi cu m’lung liing chang ah nami kyak ci. Kei cu nangmi awn a täng ah a shäng hta ka hteh ung phi, ka ning m’di gui yawp khai kyak ci. Tuhbäi nami ghui lung gui cu suut vä, cun kawn ah nangmi ah khan ah a i ka bi vai cu kei naw ka k’bäi khai” cik ci.

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

2 SHONTÄP NAK 6:27

O Bawipa, khankho ah om ne ngaih pe gui ä, Israel gui, na changshäm gui ami katnak m’geinsei gui ä, ng’düng ci ami bi vai ah m’theithang gui ä. Cun kawn ah, O’BAWIPA, Shin ah khaw, khonglän ung ami kaa nak vai ah na pek gui ah na khaw ung khaw aa law ba sak ä.

2 SHONTÄP NAK 30:6

Ghangpughang la a bawi gui ah ng’shächang gui cu Israel la Judah khaw avan ung hteit ne shikcha ah ng’khü ci gui: “Israel chang gui, Assirian gui naw ami tuk nak ah khaw ungka, nangmi nami k’pawih ba ci nei. Tuhbäi, Abraham, Isaak la Jakob ni ah Khanpughi, Bawipa ah law ba vä, ani phi nangmi ah law ba khai nei.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

HOSEA 12:7

Bawipa naw pyen ci, “Israel chang gui cu Kanaanit chang gui ah mäihah kya ne kä düng ci gui. Ngami naw kü hman khai ah kihn ne nän ne hleih ci gui am pek tu cu m’hni ci gui.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.