JOEL 2:10 - Cho Bible Common Language 2016

¹⁰ Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

JOEL 2:10 Referans Kwoze

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

JEREMIAH 4:23

Kei naw khomdek ka teng ci ani cu ng’zü ne pim ci; Khankho ung phi akdei kä om ci.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

ISAIAH 34:4

Hni la cha ni, aisi gui cu m’vut ah khai gui. Khan kho mik cu k’sho ah mäih ah ng’tho ne maih khai, aisi gui cu, thei sing, käcung sapyit ung ka a hnah gui a kiawi ah mäih ah kiawi khai gui.

SAM 114:7

Khomdek, Bawipa ah a law nak ung, Jakob ah Khanpughi ah ma ah ng’thüng ä,

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 9:2

Cun ah aisi naw m’htei lungkhui cu hmawng khätah khawvah ng’ai m’khih ung akhu ah mäih ah meikhu tawt ne shung sei hnimik la khankho avan hmüp yawp ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!