JOEL 2:1 - Cho Bible Common Language 2016

¹ Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JOEL 2:1 Referans Kwoze

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

JOEL 2:15

Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

ZEPHANIAH 1:14

Bawipa ah küikyang ciah hnüüp ng’et lawk ci, ng’et lawk cang ci, gawk law ge ci! Cun ah hnüüp cu khak ciah hnüüp ah kya ne, nget ciah gakap phi kyap ne yai khai gui!

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

1 THESSALONIAN 5:2

A i ah kyasei ci ung Bawipa ah kho Hnüüp cu khomü ah m’guk-ei a law ah mäih ah gawk lawk khai nei, cicu nangmi nami mät naw nami hmat pyi ah kyak ci.

OBADIAH 1:15

“Kei, Bawipa naw pakhui avan ka m’khoicha nak vai ah a khin cu ng’et lawk ci nei. Edom, na bi gui phung cu nang ah khan ah bi ba vai nei. Na pek ah mäih ah na gah ba khai nei.

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

JAMES 5:8

Nangmi phi hnimgei ne nami om vai nei. Nami ngaih u nak cu khäng htek sä, Bawipa a kyum law nak vai ah hnüüp ng’et lawk ci nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

ZEPHANIAH 1:16

ng’tuk nak phyungheng tum k’aw be ne, gakap gui naw mang küi ami tuk nak la tänghän hlüng ami plawh nak ah k’aw gui ng’shan khai.

AMOS 8:2

Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

EZEKIEL 33:3

Ani naw ga gui ng’et law u sei a hmuh ah a kyak ung, ani naw k’phyung tum ne chang nü cu m’tholet ci.

EZEKIEL 12:23

A cun ah mawng kei, uktu Bawipa naw ka pyen law vai cu m’thein gui ä. Cun ah ng’thu thuuk cu kei naw ka ng’pyi sak khai nei. Cun cu Israel ung a u naw kä pyen ba khai nei. A cun nak vaisü ung shi cha ah m’thein gui ä: Akhin cu gawk lawk ci, ng’cängbang nak gui phi bä lawk ci!

EZEKIEL 7:10

Israel ah phäh ah leigai a gawk law nak ah hnüüp cu gawk lawk ci nei. Kiawi m’saa nak cu däm ng’ghaw ci nei. Chang ah ng’shei nak cu hlüng pikbäih ci nei.

DANIEL 9:20

Kei cu hteit ne ka taigü ci, ka katnak gui la ka chang gui Israel gui ah katnak gui ka ng’yu ba ci, cun kawn ah Bawipa ka Khanpughi naw theingcim ciah a Taigüim am thawh ba vai ah ka ng’coipa ci.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

EZEKIEL 33:6

A i ah a kyak ung phi, ga gui ami law cu gawkngäng naw hmu neta, m’thawh let nak kä a tum ah a kyak ung, ga gui naw law ne cun ah kak ciah chang gui cu law ne ngawn khai gui, cun ung kei naw ngami ah sih nak cu, gawkngäng am ka ma na sak khai.

JEREMIAH 16:10

“Nang naw shin gui avan na m’thein gui ung, ngami naw a i kyasei kei naw aknui ah ka m’kyuk gui khai ah ka k’bäi cu ning shikkhai gui. Ngami naw a i chei shoh nak ang ami bi, a i katnak bi ne Bawipa ami Khanpughi ami hnung tuk püi cu ning shik khai gui.

JEREMIAH 16:7

Am hni ah chang sik ci a om ung k’büi nak ah a u naw phi kä ei awk püi khai. A u naw phi m’gein nak kä m’dang khai, a nu, apa chük ciah phäh ah phi a u naw kä m’gein khai.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 87:1

Bawipa naw amang gaw cu khomhtung theing ah khan ah co ci,

KHEI NAK 10:3

Phyungheng hnih ung k’aw shan ang sau ang gin law ah a kyak ung chang gui ami van ng’cut law u ne, kei ah om nak ah Phung ah m’kaw tung ning k’bui lawk khai gui.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

1 SHONTÄP NAK 15:28

Cun ah kyasei Israel chang gui ami van naw yeikyai ne m’lau u ne, phyungheng ni, phyung puuk ni, ng’sheei ni, tingtäng harp ni tum ne Thukhän M’küm cu Jerusalem ah law püi ci gui.

1 KORIN 14:8

K’Phyungheng tum ah k’aw kä a ng’theiu vah a kyak ung, gaa tuk vai ah a u kä pawng m’teim khai nei.

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

PHYAWN NAK 10:14

Ngami cu ng’hläm ne yong law u ne, khaw avan ah khan ah ngok ci gui. Cun cu acau phi kä hmuh man, a ngawi ah phi kä hmuh ba vai ah akdäm pikbäih khanpeh bum ah kyak ci.

EZEKIEL 30:3

Bawipa ah a hnün thawh nak vai ah hnüüp cu ng’et lawk ci nei. Khongmei naw a shung nak ah hnüüp, pakhui gui ah khüikha nak ah hnüüp cu ng’et lawk ci nei.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

JOEL 3:14

Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

AMOS 5:18

Bawipa ah hnüüp ngäng ciah nangmi ah phäh ah a i hlawk ah khüikha vai kyak khai aw! Cun ah hnüüp ung akni a i nami bik khai aw? Cun ah hnüüp cu nangmi ah phäh ah hmüp khui ah kyak khai, akdei ah kä kyak khai.

ZEKHARIAH 14:1

M’khoicha nak ung Bawipa ah ngoh nak vai ah hnüüp cu ng’et lawk ci. Jerusalem cu gut tep khai gui, ami guh ah khawh cu na mik ah hmuh ah ng’tei ng’pai khai gui.

KHEI NAK 10:2

“Ngui tawn awn phyungheng hnih nami pyan vai, cun cu chang gui naw shaum pigaw phyek khai gui ah khü nak ung nami mang vai.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 13:9

Bawipa ah hnüüp cu law sang ci nei — cun cu ani ah am lungshe nak la amlungso nak ah hnüüp she ah kyak ci nei. Khomdek cu khaw käu ah kyak khai, shetkat nak bik ciah chang pang cu m’di khai nei.

EZEKIEL 21:12

Hnicim chang, thüi ne kyap ä; shin ah khimsem cu ka chang gui ah phäh ah kyak ci, Israel ang vai gui avan ah phäh ah kyak ci. Ngami cu k’pawih ba ciah ka chang gui avan awn atäng ah ngawn gui vai nei. Thüi kyap ne na ng’kyang cu k’beeih ä!

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.