JOEL 1:7 - Cho Bible Common Language 2016

⁷ Ngami naw mi sapyit gui m’di ci gui mi thei ghing gui phi ei yawp ci gui. Ngami naw a hnawk gui m’neeit u sei, angban gui phi bawk yawp ci.

JOEL 1:7 Referans Kwoze

AMOS 4:9

“Kei naw nami geit chawng sak khai ah ng’hüüt ciah khokhi cu ka tüi lawk ci. Khanpeh gui naw nami loma avan, nami geit a vuipai avan, nami thei ghing gui, olive sing gui ei yawp ci gui. Cun güt ung nangmi kei ah kä nami law ba ci.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

HOSEA 2:12

Ani naw am hni ah chang gui naw, a ih püi ghui vai ah ami pek ah a pyen ah sapyit gui la thei gui cu kei naw ka m’di khai. Ani ah sapyit dum la sing thei dum cu bung ah ka ng’lat sak khai, cun gui cu khisa gui naw m’di yawp khai gui.

JEREMIAH 8:13

“Lo bik ci naw geit bum ne a khäm ah mäih ah kei naw ka chang gui cu ka khäm gui hlük ci. Cun ung phi ngami cu a hnah ng’yai sei phi kä m’theih ciah sapyit ah mäih, kä m’theih ciah thei ghing ah mäih ah kyak ci gui; cun ah kyasei kei naw khi akpung ah chang gui am khi ka khäm sak gui ah kyak ci.

ISAIAH 24:7

Sapyit ng’shun gui ng’yai u sei, sapyit tui cu ken law pipi ci. Zeikiai man ciah chang nü cu tuhbäi thüisei ci,

SAM 105:33

Ani naw ami sapyit ng’shun gui la thei ghing gui avan cu yuk m’di ne, shing ghing gui avan ci hnet yawp ci.

PHYAWN NAK 10:15

Ngami naw m’dek cu le law güt sei ngoh shi ci gui. Ngami naw gääi yah ung k’pawih ba ci la sing theih gui avan cu ei yawp ci gui. Egypt khaw avan ung sing ghing khu m’ghaw a hnah m’kim kä om ba ci.

PHYAWN NAK 10:14

Ngami cu ng’hläm ne yong law u ne, khaw avan ah khan ah ngok ci gui. Cun cu acau phi kä hmuh man, a ngawi ah phi kä hmuh ba vai ah akdäm pikbäih khanpeh bum ah kyak ci.

ISAIAH 32:12

Thüi kyap ne nami kyang k’beei vä, a i ah kyasei ci ung ang lei nik ciah nami lo gui la nami sapyit dum gui cu di pyi ci nei,

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.