JOEL 1:4 - Cho Bible Common Language 2016

⁴ Khagek gui cu geit gui ung ng’hlom ne ng’hlom ne ngok ci gui; Ng’hlom ät ayon ba ung, hlom ät ngo law ba ci.

JOEL 1:4 Referans Kwoze

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

AMOS 4:9

“Kei naw nami geit chawng sak khai ah ng’hüüt ciah khokhi cu ka tüi lawk ci. Khanpeh gui naw nami loma avan, nami geit a vuipai avan, nami thei ghing gui, olive sing gui ei yawp ci gui. Cun güt ung nangmi kei ah kä nami law ba ci.

AMOS 7:1

Uktu Bawipa ungka kei naw tumat ka hmuk ci. Ghangpughang ah ka khu m’sai ami ah pyi cu lim law ba u khäta, ani naw khanpeh ng’hlom ät cu tui pyang sei ka hmuk ci.

ISAIAH 33:4

ng’yak ciah chang pakhui gui cu dawng ci gui nei. Ami khawh gui cu pha pe gui ne, ami guttep ah kyasei lak gui ci gui.

SAM 78:46

Ani naw m’khagek gui chah ne, ami geit gui ei sak ne, ami lo gui m’di sak ci.

PHYAWN NAK 10:4

Nang cu na maa laih laih ah a kyak ung ngawi ung na khaw ah khan ah khanpeh gui ka law püi khai nei.

JEREMIAH 51:14

M’gäi ciah Bawipa naw amät ah ghin nak awn ng’taam ci, ani naw Babilonia tuk khai ah chang akda cu khimpea ng’son ah mäih ah law püi khai, ngami cu näng nak awn m’lau khai gui.

SAM 105:34

Ani naw k’thäh khäta, kä khei taai vai ah m’kha gek gui cu law u ne,

2 SHONTÄP NAK 7:13

Kei naw khaw ka käu sak ung, geit ei khai ah khanpeh gui ka yuk chah law ung, ka chang gui ah khan ah leigai ka yuk chah law ung,

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

2 SHONTÄP NAK 6:28

“Shin ah khaw ung khaw yaw ne baw, leigai kiung ne baw, khawkhi aa, käcung khanpeh naw baw geit gui m’di ne baw, käcung na chang gui cu ami ga gui naw tu gui ne baw, käcung ami ng’lung ah gaw nak nat nak gawk law khäta,

THULÄÄN NAK 28:42

Nami sing ghing gui la nami geit gui avan cu m’kyiit yoop gui naw ei yawp khai gui.

PHYAWN NAK 10:5

Cun gui cu da aih u ne khomdek avan küm khai gui nei. Gääinu naw kä am di k’pawih ba ci avan ei yawp khai gui, k’pawih ba ciah sing ghing gui phi ei yawp khai gui.

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.