JOEL 1:19 - Cho Bible Common Language 2016

¹⁹ Kyap ne ka ng’pa ci nei, Bawipa, a i ah kyasei ci ung khu lim gui la sing gui cu chawng yawp ci, cun gui cu mei naw ui yawp ci nei.

JOEL 1:19 Referans Kwoze

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

JOEL 2:3

Ngami naw a ghing gui cu mei ah mäih ah ei ci gui. Ami ma ah kho hmun cu Eden dum ah mäih ah kyak ci. Cun ung phi ami hnu lam cu khaw ng’gau ah kyak ci. A i phi ngami naw kä phyawn ci gui.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

JEREMIAH 14:4

A i ah kyasei ci ung khaw kä aa ci, khomdek chawng yawp ci, lo mah gui ami m’lung nak ci; ngami ami hmai thup ci gui.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

JEREMIAH 9:9

Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.