JOEL 1:18 - Cho Bible Common Language 2016

¹⁸ Sei gui cu geinvai ne m’lau ci gui a i ah kyasei ci ung ami ei vai khu kä om ci; hto ng’bum gui phi yaica ci gui.

JOEL 1:18 Referans Kwoze

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

ROMAN 8:22

Mi van naw mi hmat yawp ah tuhbäichü a khin ung, a tüi pian gui avan cu, nau poi m’neh ah mäih ah nat nak om ci.

JOEL 1:20

Tui lawng gui kawi yawp sei, khisa gui phi nang ah kyap ne ng’pa ci gui nei.

1 GHANGPUGHANG GUI 18:5

Ahab naw Obadiah a pyen nak cu, “Ng’se lah la gui ami ghin nak vai ah khu ah lim nak mi hmuh vai ah khaw akyong ung tuinu tuihta phung cu hteit ne mi teng khai nei. Cung mi ng’sela api phi kä mi sih sak khai.”

1 GHANGPUGHANG GUI 8:5

Ghangpughang Solomon la Israel chang gui avan cu Thumkhän M’küm ah ma ah ng’bum u neta, htome la vantang akchün akda awn khawihnah ci gui — cun cu khei vai ah da aih ci.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

HAKKAI 1:10

Cun ah kyasei khaw kä aa ci, geit kä tho ci.