JOEL 1:13 - Cho Bible Common Language 2016

¹³ Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JOEL 1:13 Referans Kwoze

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

2 KORIN 6:4

Yaica nak khüikhaa nak la geivai nak gui cu, hnimgei nak awn aut u ne, a mawng avan ung Khanpughi ah changshäm ah, kami kyak ah mawng cu kami m’dang ci nei.

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

1 KORIN 4:1

Nangmi naw keimi cu Khanpughi ah ng’düngciim nak lüüng ne m’htei ci gui ah, Bawi Khrih ah changshäm ah kami kyak ciah nami hmat vai nei.

ISAIAH 61:6

Nangmi cu khanpughi ah changshäm gui, Bawipa ah taigü gui ah ning hmat gui khai gui. Nangmi cu chang pakhui gui ah khawh cham awn yeikyai u ne, a cun gui nami ka-nak ah mawng nami khähghah khai.

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

KHEI NAK 29:6

Cha ät ah a hnüüp ät hnüüp k’be nak ah bi man ah ah nami bi vai, a hnüüp tä m’khih ne douthak nak cu htang-douthak nak la sapyit tui-douthak nak awn a täng ah nami bi vai, a hnüüp tä m’khih ne douthak nak cu htang-douthak nak la sapyit tui-douthak nak awn a täng ah nami bi vai. Shin ah ei-douthak nak gui cu Bawipa naw a yeikyai nak ah kyak ci.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

EZEKIEL 21:12

Hnicim chang, thüi ne kyap ä; shin ah khimsem cu ka chang gui ah phäh ah kyak ci, Israel ang vai gui avan ah phäh ah kyak ci. Ngami cu k’pawih ba ciah ka chang gui avan awn atäng ah ngawn gui vai nei. Thüi kyap ne na ng’kyang cu k’beeih ä!

HOSEA 9:5

Bawipa m’tamkhah nak vai ah pawi bi nak vai ah akhin a gawk law ung ngami naw a i bik khai gui ang?

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

KHEI NAK 28:4

tumat cu ngawi lam ah douthak ne, ak hnih nak cu mü lam ah douthak vai,

KHEI NAK 28:7

Ak htük bäih ah htome awn a täng ah sapyit tui douthak nak ah, sapyit tui khap ät cu sonkiang ah kung ah lawn vai.

KHEI NAK 28:14

Pek man ah sapyit-douthak nak cu vantang tumat ung khap goi ciah kyak ci, htome tumat ung khap ät la a cawih, htome m’ca tumat ung khap ät ciah kyak ci. Shin cu kum ät ah kyong ung ak cha päng ah a hnüüp ät nak ung hman hman ah m’khi ne douthak nak ah kyak ci.

EZEKIEL 27:31

Ngami cu nang ah phäh ah ami lu k’teiu ci gui, sui kheei sui ci gui, Ngami ah m’lung cu kha ne kyap ci.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.