JOEL 1:12 - Cho Bible Common Language 2016

¹² Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

JOEL 1:12 Referans Kwoze

ISAIAH 24:11

Sapyit tui kä om ba sei, chang gui lam yung ah m’lau ci gui. Zeikiai nak cu ng’pyi ne ng’khawn ci nei; cun cu khaw ung ka, ami maib sak nei.

ISAIAH 16:10

Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

JOEL 1:16

Mi geit gui adi cu m’htei khai kä om sei mi teng düt ci. Mi khanpughi ah Taigüim ung yeikyai nak kä om ci.

JOEL 1:10

Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.

SOLOMON NG’Ä~ 2:3

Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

HAKKAI 2:19

Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.

JEREMIAH 48:33

Anglei nik ciah Moab ungka yeikyai nak la länlawi nak cu ahei ah hteh püi pyi ci gui nei. Neen nak ungka naw sapyit tui kä long law ba khai ah kei naw ka bik ci nei; sapyit tui pyang ne yei ne m’lau ci tumat phi kä om ba ci nei.

JEREMIAH 48:3

Horonaim chang gui cu, “Kiawi m’saa nak, m’dimshum nak!” cine m’lau khai gui nei.

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

SOLOMON NG’Ä~ 4:13

a cu ah geit gui tho ci, Ngami cu htale-sing gui abe ah mäih ah tho ci gui, akni pikbäih ah m’theih ci gui. A cun ung tansing la naduh sing gui,

SAM 92:12

Ng’düng ciah chang gui cu sagui ghing ah mäih ah bämang u ne, Lebanon kho ah m’htai ghing ah mäih ah ng’ghaw bai khai gui nei.

SAM 4:7

Cun ung phi nang naw na na pek ah yei nak cu, Ngami ung htang m’guh la sapyit tui da sei, avan ami yei ah mä bä pi ci nei.

KHEI NAK 13:23

Ngami cu Eshkola ah hteit ci gui, acu ah khäng ät ah m’theih ciah singban tumat chuk ci gui. Cun cu gih aih sei chang hnih naw htung awn thawng ne ng’lak na ne ani kawh ah kyak ci. Ngami naw htale theih la thei gui phi law püi ci gui.

ISAIAH 24:7

Sapyit ng’shun gui ng’yai u sei, sapyit tui cu ken law pipi ci. Zeikiai man ciah chang nü cu tuhbäi thüisei ci,

JONAH 4:7

Cun ung phi a ngawi ung khawngawi Khanpughi naw, m’kyiit täk ne sing ghing cu ei sak sei, sing ghing cu sik ci.

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.