JOEL 1:10 - Cho Bible Common Language 2016

¹⁰ Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.

JOEL 1:10 Referans Kwoze

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

HOSEA 9:2

Cun ung phi kä shou sei nangmi ung htang la oliv situi akdäm kä om ba khai, sapyit tui phi kä om ba khai.

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

JOEL 1:5

Awktat ciah chang gui, ng’shüm law ne kyap m’lau vä; yu awk ci gui kyap vä; yu tui ak thai ah pyan vai ah am theih gui cu di pyi ci nei.

HAKKAI 1:11

Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

JEREMIAH 48:33

Anglei nik ciah Moab ungka yeikyai nak la länlawi nak cu ahei ah hteh püi pyi ci gui nei. Neen nak ungka naw sapyit tui kä long law ba khai ah kei naw ka bik ci nei; sapyit tui pyang ne yei ne m’lau ci tumat phi kä om ba ci nei.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

ISAIAH 24:11

Sapyit tui kä om ba sei, chang gui lam yung ah m’lau ci gui. Zeikiai nak cu ng’pyi ne ng’khawn ci nei; cun cu khaw ung ka, ami maib sak nei.

TAIGÜTHUM 26:20

K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

ISAIAH 15:6

Nimrim tuilawng cu ket ci, a pei yun ah khumghaw gui cu chawng yawp ci, a i phi khu ching kä om ba ci.

ISAIAH 24:7

Sapyit ng’shun gui ng’yai u sei, sapyit tui cu ken law pipi ci. Zeikiai man ciah chang nü cu tuhbäi thüisei ci,

JOEL 2:19

Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.