JOB 8:3 - Cho Bible Common Language 2016

³ Khanpughi naw taga nak cu kä ng’phyui ten sak ci; Ani cu hman ci bi nak ung kä shum man ci.

JOB 8:3 Referans Kwoze

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

DANIEL 9:14

Nang, O Bawipa kami Khanpughi, nang naw na na m’kyuk gui khai ah pawng ne a cun ah na bik ci, a i ah kyasei ci ung nang naw ak phlüt ah hman cicu na bik ci, keimi naw nang kä kami ning ngai ci.

THU PHLAAN 16:7

Cun kawn ah sonkiaang ungka lut lawk ciah k’aw naw, “A hlüngtai säih Bawipa, Khanpughi! Nang ah m’khoichaa nak cu ak cang ah ng’düng ne chün ci nei” cine a pyein cu ka ng’ya ba ci.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

EZEKIEL 33:20

Cun ung phi Israel gui, kei ah ka bi cu kä hman ciah nami pyen ci. Kei naw nami mät ah bi awn nami mät ka ning ng’thumcha law gui khai.”

EZEKIEL 33:17

“Na chang gui naw kei ah ka bi cu kä hman ciah pyen ci gui nei! Cun ah käkiak ci, ngami ah bi va kä hman ciah kyak ci.

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.

JOB 40:8

Kei kä ka taga ciah tuhbäi na m’dang vai ah na k’tha nak ci ma? Kei täng ah chei ne na mät täng ah cang nak ng’dang khai ah na bik ci ma?

JOB 35:13

Ngami kyap ne ami m’lau cu a kholä ah kyak ci, M’gäi ciah Khanpughi naw kä hmu ng’ya gui ci.

JOB 34:5

Joba naw ani cu changni ah pyen ci. Cun ah kyasei Khanpughi naw ani am taga nak a pek vai ah mak ci.

JOB 21:20

Katnak bik ci gui cu ami mät m’kyuk nak gah u sä; M’gäi ciah Khanpughi ah m’lungshe nak cu ami mät naw gah u sä.

JOB 21:15

Ngami naw Khanpughi ah bi bi vai kä hlü khai, Ani ah taigü vai kä hlü khai ah ngai ci gui.

JOB 19:7

Kei naw Bawipa ah m’hnüt m’can nak cu ka hnungtuk ungphi, a u naw kä na ngai ci nei. Ataga nak vai ah ka k’thäh ung phi a u naw kä ng’yak ci nei.

JOB 10:3

Ana ah na shekhak ciah na mät lüng naw na na k’shekdam nak la changshe gui ah bilawh nak gui ung na hmai kyang cu hman ne maa?

JOB 4:17

“Khanpughi täng ah ng’düng ciah chang om hning khai ang? Tüisho ciah ma ah theingthap ci om hning khai ang?

JOB 36:3

Kei ah hmuhmat nak cu ng’shawng ci nei, kei naw ka hmuhmat cu ka mang khai nei. Na tüipyang ciah Khanpughi taga ci, cu ka m’dang khai nei.

JOB 36:23

Khanpughi naw a i a bi vai cine a u naw kä pyen hning ci. Akshe a bi vai ah phi a u naw kä täk hning ci.

JOB 37:23

Khanpughi ah huham cu dämduh aih sei Apei ah phi kä mi hteit hlawt ci nei. Ani cu chang gui ana om püi nak gui ung ng’düng ne taga ci nei.

JOB 19:6

Shin gui bi ci cu Khanpughi ah kyak ci, cicu kä nami hmuhmat hning ne ma? Bawipa naw kei ana pha nak vai ah cuun cu cuung pyi ci nei.