JOB 7:9 - Cho Bible Common Language 2016

^9-10 Khongmei ng’kawn law ne amaih ah mäih ah, chang cu asih ung kä ng’hlat law ba ci nei; ani hmat ciah chang avan naw ani cu m’hnih ci gui.

JOB 7:9 Referans Kwoze

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

SAM 39:13

Kei cu kä ka sih pha ung, yeikyai nak gui ka gah vai ah, na bä ni ka mät cu na nawng cang ä.

JOB 30:15

Kei cu ka kyi aih ci nei, Kei ah ming thang cu khokhi ah mäih ah yong yawp ci nei. Kei ah ka khawhcham cu khongmei ah mäih ah maih yawp ci nei.

JOB 16:22

Kei ah ka khokum gui cu tuhbäi ng’pyi lawk ci nei. Kei cu kä ng’hlah law ba nak ah lam ung ka hteit ci nei.

JOB 10:21

Kei cu shäng shäng khätah hmup ne am tham nak ah khaw, mü ah mäih ah a hmüp nak khaw, sih nak ah khaw la a i kä ng’khailang nak ah khaw, ak khang tu phi ak hmüp ah a kyak nak khaw ah ceit law ne, a ngoi ah phi kä ka law ba khai.

2 SAMUEL 12:23

Cun ung phi tuhbäi ani sik ci, a i vai ei ka hlawi ba vai aw? Kei naw a hmaw ka ghin ba sak hning khai ma? Hnüüp ät ung kei cu ani ah om nak ah ka hteit khai, cun ung phi ani cu kei ah kä law ba khai” cik ci.

ISAIAH 38:11

Kei naw ka ngai ci, shin ah ghin nak ah kho ung kei naw Bawipa cu kä hmu ba khai nei a i akghing phi kä ka hmu ba khai nei.

JOB 37:11

Kho lailäp cu khong mei ungka ah kyak ci.

JOB 11:8

Khomik cu Khanpughi ah phäh ah akhüt nak kä om ci, cun ung phi nang ah kä na gawk nak ah ahei khaw ah ng’shawng ei ci nei. Khanpughi naw khomdek khan ah sih nak cu hmat ci, cun ung phi nang naw kä nah mat ci.

JOB 3:13

Kei cu cun yah ung ka sih vaisü ung Tuhbäi ng’düm ne ka om khai süte nei.

JOB 17:13

Kei ah ka gaih u nak cu sih nak ah kho ah kyak ci. Acu ah kei cu hmüp khui ung ng’yän ne ka ip khai nei.

JOB 17:16

Kei cu sih nak ah kho ah ka hteh law ung Ngaih u nak cu kei awn atäng ah kä hteit tuk khai nei.

ISAIAH 26:14

Tuhbäi, ngami cu sik ci gui, kä ghing ba khai gui nei; Ngami ah m’cha cu kä tho ba khai nei, nang naw m’kyuk gui ne, na m’di gui ah phäh ah kyak ci nei. A u naw phi ngami kä shüm ba gui khai nei.