JOB 7:2 - Cho Bible Common Language 2016

² Gei ciah ang hnim nak shui ciah hlei htein mäih, ang cheng vai ngäng ciah bii k’bi ah mäih ah kyak ci.

JOB 7:2 Referans Kwoze

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

THULÄÄN NAK 24:15

A hnüüp tä khaw hni kä a hang kyak pha ung, a cu hnüüp a bi ah phäh nami pek vai; ani cu ngai ng’ya hlük ci kya ne a gah vai cu khei ge ci. Nang naw kä na pek ah a kyak ung, ani cu nang ning hnu tuk püi ne, Bawipa ah kyap khai, cun ung nang cu katnak na bik ciah kyak khai.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 6:4

Ngami naw pyen khai gui, “Jerusalem tuk vai ah pawng m’hteim vä! Pawng ge vä! Mikmi naw hnüüp ng’lung ung mi tuk khai nei!” Cun ung phi cun kawn ah ngami naw pyen khai gui, “Shin cu cü aih khai nei, kho hnüüp ng’pyi law vai ci nei, kho hmüp law pi pi ci nei.

SAM 143:6

Na ma ah ka kut shäng ne ka taigü ci; kho ng’gau kho ah mäih ah ka mümcha naw tui ah gha ne ning ng’ya hlük ci.

SAM 119:131

Na thumkhän ka ng’yak nak hlü aih awn ng’hät ne ka shai ka m’an ci nei.

ATÜNNAK 34:8

Hamora naw Jakob am, “Ka hta Shekhem naw na hta hnumi cu m’hni tuk ci, ng’pui ng’khah sak goi ä” cik ci.

JOB 7:1

Hnicim chang ah ghin nak cu, gakap naw k’tut ne bii abi ah mäih, akghat ah bii bik ciah ghin nak ah mäih ah kyak ci,

JOB 7:3

Cha ät päng ung kei ung ka ghin nak hlü vai a i kä om ci. Mü ät pyi päng ung mü ät kei ung ka thüi nak bäng vai gawk lawk ci.

JONAH 4:6

Cun kawn ah Bawipa Khanpughi naw, Jonah naw hmiim sei a om ani nak vai ah sing cu ghing sak ci. Cun ah kyasei ani cu a om nipi ci. Cun ah sing ghing ah phäh ah Jonah cu yei aih ci.