JOB 5:5 - Cho Bible Common Language 2016

⁵ Ei cawi ciah chang gui naw akgu-ang ah thui-an ei khai gui — Htang gui cu ng’hling ah hmu ah phung ghing khai gui — Tui gha ci gui naw ani ah bühmang nak cu m’thüi m’khang ci gui.

JOB 5:5 Referans Kwoze

NG’ÄI KYAH 2:16

Nami ga gui ami van naw ami ning thüi nak gui awn, ning päipih gui ne, ning kyim sak gui ci gui, ngami naw ami m’nei htui ne, ami hna htun neta, “Keimi naw kami m’di khai nei” cik ci gui. Shin cu kei naw kami k’äih nak ah kho hnüüp nei!”

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

ISAIAH 62:8

Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.

JOB 20:15

Chang shekha naw am guuk ah khawh gui cu m’sha ba khai, a chikyong ah ka gui phi Khanpughi naw kawih yawp khai.

JOB 12:6

Cun ung phi m’guk ei gui la khanpughi kaa ah om ci gui cu ding gei sei om ci gui, ami khanpughi cu ami mät ah k’thagui ah kyak ci.

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

JOB 1:17

Ani naw ang thu pyen k ä a phleh pha ung ahei changshäm naw law ne, “Chaldean bum thum gui naw kei mi ah law ne, na tu law gui ne, kalauk gui avan hteh püi ci gui, Changshäm gui avan ngawn ci gui, kei bäng ka pawih ci, Nang am ng’thu ning m’thein lawk khai ah kei bäng ka pawih ci nei.

JOB 1:15

Sabean chang gui naw ang ghit ah tu law u ne, avan m’guk ci gui nei. Ngami naw na changshäm gui avan ngawn ci gui nei. Kei bäng ka pawih ci, Nang am ng’thu ning m’thein khai ah kei bäng ka phyawng ci nei.”

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

THULÄÄN NAK 28:51

Ngami naw nami vuhchah gui, nami geitkaw gui avan ei khai gui. Nangmi cu ei ah cawi ne nami sik khai. Ngami naw htang, sapyit, oliv-situi, vuhchah gui, htome gui a i phi kä ning nawng pe gui khai gui. Nangmi cu nami sik khai.

THULÄÄN NAK 28:33

Nang naw tha na ne bi ne na geit kaw cu a khaw hei pakhui naw avan lak khai. Cun yah ung nang naw a i kä na gah tuk khai. Angtäi sei shedam nak la akaa ah om püi nak na gah khai.

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

JOB 20:22

Ani cu näng m’khüt ne a hlüngtai yah ung phi a cun ah phuih gih naw shudeng khai.

JOB 22:10

Cun ah kyasei ng’kiak nak vai ah khui gui naw avan ung ning koi ci, ang ghit ah kyihkyawk nak vai awn na be ci.

SAM 109:11

A khawh avan cu a phu suk ci naw la yawp sä, Abi phung cu chang hei gui naw gah yawp u sä.