JOB 42:3 - Cho Bible Common Language 2016

³ Kei cu a i kä hmat ciah kya lang ä sei, a i ah kyasei nang ah cüivai nak käng ngaih gep ne ka ng’shi ca ah mawng cu na na ng’shi ci. Kei naw kä ka hmat gui ah amawng la ka hmuhmat nak naw kä ak pha ah cäicat gui vai ah amawng cu ka pyen tuk ci nei.

JOB 42:3 Referans Kwoze

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

SAM 139:6

Na hmuhmat nak cu kei ah hmawk ah thuuk aih ci nei; kei naw kä ka hmat hlawt ci nei.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

JOB 38:2

Kä na mawng mei nak la a kholä ah na ng’thu awn ka cüivai nak na ng’shi k’thäh lawk cicu nang a u ang?

JOB 5:9

Ani ah bi ah dämduh ciah amawng gui cu mikmi naw kä mi hmat ci, ani naw cäiaih gui vai abi cu kä ng’pyi hlawt ci.

JOB 11:7

Khanpughi ah a dämduh nak la a huham ah akhüt nak la ang gii nak cu nang naw na hmu hning ne ang?

JOB 11:9

Khanpughi an dämduh nak cu khomdek ah ng’ghaw tuba ci, tuinu ah ta ng’shawng tuba ci.

JOB 13:1

Nang naw na pyen phung phung cu kei naw, a yan ge ung ka ng’yak ci. Avan ka hmat ci. Nang ah ta kei kä ka ng’neim tuba ci.