JOB 4:3 - Cho Bible Common Language 2016

³ Nang naw chang akda na m’theithang gui ci. Aktha ken ci am thagui na pek ci.

JOB 4:3 Referans Kwoze

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

HEBRU 12:12

Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.

JOB 16:5

Kei naw m’shüm thein ne k’tha ning pe gui ne, ning shungvong gui ne ka ng’thu hning ci nei.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

LUKA 22:43

Khankho ah kaa khanchang kium law ne, ani-am k’thagui be sak ci.

THULÄÄN NAK 3:28

Amät m’shümthein nak cu Joshua am pe ä. Ani ah m’hnüt bäi nak cu taigü peä, a i ah kyasei ci ung ani naw chang gui khawngmang gui ne tuinu hei kat ne, na hei hmuh ah khaw cu khäm khai nei.’

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

NG'THU K'THUUK~ 16:21

Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

JOB 4:4

Chang tumat mat cu kyu ng’täng ne aktha ken sei, acüm bawng ah a kyak ung, Ani angdüih law ba vai ah nang ah ng’thu gui naw thamah sak ci.

JOB 29:11

Kei na hmuk ci kä cun ung kei ah mawng ng’yak ciah chang nü naw kei ah bilawh ani nak ah mawng cu pyen ci gui.

JOB 29:15

Kei cu a mik m’dauh gui ah phäh ah mik, akho shum gui ah phäh ah kho ah ka kya an ci.

JOB 29:16

Kei cu dukhaih ci gui ah phäh ah pa ah kya ne, Khüikha nak ung gawk ciah chang hei gui ah phäh ah phi ka ng’düi man ci.

JOB 29:21

Kei naw ka m’cum cäi gui ung chang gui cu kä shipdep u ne, kei ah pyen cu tügüh ne ngai man ci gui.

ZEPHANIAH 3:16

Jerusalem am thu ami pyen nak vai a khin gawk lawk ci nei “Zion mang gaw kä na kyih vai, na kut kä na chaak phung vai!