JOB 3:5 - Cho Bible Common Language 2016

⁵ Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.

JOB 3:5 Referans Kwoze

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

JOB 28:3

Chang gui cu thuuk pikbäih ne ak hmüp nak ung gawk ci gui, khomdek ah a thuuk nak pi ung shui yap ci gui, Mü hmüp khui ung lung gui co ci gui.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

JOB 38:17

Sih nak ah khomü häng nak ah m’kawt cu tumat mat naw ning m’hnuh man ne ang?

JOB 24:17

Ngami naw hnüüp ah akdei cu kyih ci gui, Cun ungphi mü hmüp cu ngami ah phäh ah kyih vai kä kya ci.

HEBRU 12:18

Nangmi cu Israel chang gui ah mäih ah tawnyap thei ah Sinai kho m’htung ung nami gawk ciah kä kyak ci. Cun ah m’htung cu mei m’lei tawt ne, kho m’than ne, puikho khi ne,

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.

EZEKIEL 30:3

Bawipa ah a hnün thawh nak vai ah hnüüp cu ng’et lawk ci nei. Khongmei naw a shung nak ah hnüüp, pakhui gui ah khüikha nak ah hnüüp cu ng’et lawk ci nei.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

SAM 107:14

Ani naw amü, a hmüp nak ungka k’plawk ba gui ne, ami khih nak gui cu ci pit yawp ci.

SAM 107:10

Am shah cu mü, hmüp khui ah om u ne, gui awn khit ne, thawng ung yaica ci gui,

SAM 44:19

Cun ung phi nang naw sa hnget ah ng’lung ah am gein ka ah na na nawng gui ci; a hmüp nak pi bäih ung phi na na nawng gui ci.

JOB 16:16

Kei cu ka hmai sen ne ka mik tüt ne ng’phling law güt sei ka kyap ci nei.

THULÄÄN NAK 4:11

“A u hawkcha ah nami hteh hton la khomik pha ne mei ah däi ci la shah ne, hmüp ne, khu ciah mei naw a khüm ah m’htung hneit ung nang düih cu nami hta nau gui am nami m’thein gui vai.

JOB 3:4

Khanpughi, cun ah hnüüp cu mü hmüp ah m’hlat ä; Cun ah hnüüp cu kä shüm en ba ä; Cun ah khan ah akdei kä ng’shü en sak ä.

JOB 3:6

Cun ah mü cu khokum ungka maih sä, Mü hnüüp khei nak ung kä khei tuba vai nei;

JOB 34:22

Katnak bik ci gui naw Khanpughi naw kä a hmuh gui vai ah ami ng’thuh nak vai ah ng’büh ciah hmüp khui kä om ci nei.