JOB 3:4 - Cho Bible Common Language 2016

⁴ Khanpughi, cun ah hnüüp cu mü hmüp ah m’hlat ä; Cun ah hnüüp cu kä shüm en ba ä; Cun ah khan ah akdei kä ng’shü en sak ä.

JOB 3:4 Referans Kwoze

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.

LAMKTU 27:20

Keimi cu kho hnüüp ak shou hni chaa, aisi kä kami hmu ba ci, kho phi ak tä ah khi laih laih ci. Ak hnu ah keimi cu kä ghin pyi ah ngai ne kami thagui maih yawp ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

AMOS 5:18

Bawipa ah hnüüp ngäng ciah nangmi ah phäh ah a i hlawk ah khüikha vai kyak khai aw! Cun ah hnüüp ung akni a i nami bik khai aw? Cun ah hnüüp cu nangmi ah phäh ah hmüp khui ah kyak khai, akdei ah kä kyak khai.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

THULÄÄN NAK 11:12

Bawipa nami Khanpughi naw shin ah khaw cu m’htei ne, a kum pum a ngäng ah kyak ci.

JOB 3:5

Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.