JOB 26:8 - Cho Bible Common Language 2016

⁸ Khanpughi naw khong mei cu tui awn be sak ne gih ne kä ang kyak vai ah k’pang ci.

JOB 26:8 Referans Kwoze

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

JEREMIAH 10:13

Ani ah ang thukhän awn khankho ah akhan ung tui cu gai ne; ani naw khocawi ah ka khongmei gui cu law püi ci. Ani naw khaw k’aa ung khaw lailäp sak ne, akhei ung ka khokhi cu tüi lawk ci.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

SAM 135:7

Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

JOB 38:37

Khong mei gui khe ne kho ah aa lawk khai ah tän ne khei vai ah cüivai ci a u ang a om?

JOB 38:9

Tuinu khong mei awn küm ne mü hmüp awn ven cicu kei nei.

JOB 36:29

Khanpughi ah om nak ah khomik ung a i cha ah kho ng’hmum kyeek ne khongmei gui ami hnünhnawh cu a u naw kä hmat ci nei.

SAM 147:8

Ani naw khomik cu kho ng’mei awn küm ci, khomdek khan ah kho yuk aa sak ci, kho ng’zuung ung khumghaw pyo sak ci.

NG'THU K'THUUK~ 8:28

khomik ung khong’mei gui kä a tha pha ung, Tuinu ungka tuihta m’kawt gui kä a hmawn pha ung,