JOB 26:12 - Cho Bible Common Language 2016

¹² Ani naw akthagui awn tuinu cu näng ne khäm ne, tuinu phyu ng’hlui Rahap phi m’di ci.

JOB 26:12 Referans Kwoze

ISAIAH 51:15

“Kei cu Bawipa nami khanpughi nei; Tuinu cu k’hnawk ne, tuinü ng’hnawk ne gaai khai ah ka cik ci. Kei ah ka ming cu m’gäi cia Bawipa nei!

JEREMIAH 31:35

Bawipa naw kho hnüüp ung dei khai ah khohni la khomü ung ng’shü khai ah chapa la aisi gui cu na pe gui ci. Ani naw tuinu hnaawk ne ng’hmum sak ci; ani ah ming cu m’gäi ciah Bawipa ah kyak ci.

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

JOB 9:13

Khanpughi cu ani hnu ng’tuk püi ciah Rahab ng’düih püi ci gui ah aga gui ah khan ah am lung she nak cu angtäi ah om ci.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

SAM 74:13

Nang naw ghat ciah na thagui awn tuinu cu na m’chak ci, tuinu Saam gui ah lu phi na chüüng ci.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

JOB 26:11

Khomik k’pang ci gui cu ani naw akshe nak gui ung ngami cu kyi ne ng’thüng ne ng’hlet ci gui.