JOB 2:4 - Cho Bible Common Language 2016

⁴ Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

JOB 2:4 Referans Kwoze

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

MATTHE 6:25

‘Kei naw akcang ka pyein cu, a i ei auk vai cine, nami hnun gui ah hmawk ah kä nami ng’ä vai, a i suibei vai cine, nami pumsa ah hmawk ah kä nami ng’ä vai. Hnun ghin nak cu ei ah mä bä pi ne, pumsa cu suibei ah mä bä pi ciah kä kya ne ang?

JEREMIAH 41:8

Cun ung phi chang sing gha ng’bum ci gui naw Ishmaela ami pyen nak cu,” Nabä ni, kä na ngawn gui ä! Keimi ung cung htang, barli, olive-situi la khoitui lo ah kami thuh om ci nei, cik ci gui, cun ah kyasei ani naw m’hlawt gui ci.

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

JOB 2:5

Cun ung phi tuhbäi a pumsa na nat sak ah a kyak ung ani naw na hmai ma ah ning plah tam khai nei” cik ci.

ATÜNNAK 47:17

Ngami naw ami seime gui Joseph ah law püi u sei, ng’sela ni, seime ni, htome ni gui cu Joseph naw ei awn m’thawng tu gui ci. Cun ah kum ung ami seime gui avan ah phu ah ei cu tu m’bei gui ci.

ATÜNNAK 47:19

Kä kami sih vai ah na bi pe gui ä, kami khaw kä kami nawng vai ah na bi na bi pe gui ä. Kami mät la kami khaw ei awn na thawng gui ä. Ghangpughang ah changshäm ah kami kyak khai nei, kami khaw phi ani naw khäm sä. Kami ghin nak vai htang, lolai ung kami geit vai m’shi na pe gui ä.

JOSHUA 9:24

Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

1 GHANGPUGHANG GUI 20:31

A bawi gui naw a pei ah hteit ne ami pyen nak cu, “Israel ghangpughang gui cu chimgein nak om ciah mi ng’yak ci, Israel ghangpughang ah na hteh sak gui ä, kami khei ung suishe pat ne, kami hngü ung suinu awi ne kami hteit khai, ani naw nang ah hnungui ning phyawn nei hman khai nei” cik ci gui.

NG'THU K'THUUK~ 13:8

Bühmang ci naw a ngui cu a hnun hun nak vai ah mang ci, cun ung phi dukhaih cicu a u naw kä ngäng ci.

LUKA 12:23

Hnun ghin nak cu ei awk ah ta bä pi ci, pumsa cu suisak ah tah bä pi ci.