JOB 2:12 - Cho Bible Common Language 2016

¹² Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

JOB 2:12 Referans Kwoze

EZEKIEL 27:30

Ngami ami van cu nang ah phäh ah thüi kyap aih ci gui, ami lu khan ah m’vut khui bu u ne m’vut ung ng’tah ci gui.

NG’ÄI KYAH 2:10

Jerusalem ung aghi ng’vai gui m’dek ung adüm ah ngok ci gui, Ami lu cu m’vut bäng ah kyak ci. Ami pum ung suishe sui ci gui. Hnumi nong gui naw ami lu awn m’dek ung kawp ci gui.

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.

JOB 19:14

Kei ung ka phäi nau ka teihpüi phi kä om ba ci nei.

ESTA 4:1

Mordekai naw cun gui avan hmat law neta, a sui gui k’teek ne cäi ng’ä ci. Cun kawn ah suishe sui ne a lu m’vut awn bu ne, kyap ne m’lau ne mang gaw kyong ah hteit shüi shüi ne,

2 SAMUEL 13:36

Cun ah ng’thu a pyen yawp vai am, David ah hta gui cu gawk law ba ci gui; ngami cu m’lau ne kyap law u sei, David la a bawi gui phi ak tä ah kyap ci gui.

1 SAMUEL 30:4

David la a chang gui cu kyap ne, ng’pyang u ne, ami tha gui amaih güt kä düm ah m’lau ci gui.

1 SAMUEL 11:4

Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

ATÜNNAK 27:34

Cun a ci ng’ya neta Esau cu kyap ne m’lau ne, “Pa aw, kei am phi hriham na pe ä” cik ci.

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

EZRA 9:3

Cun cu ng’ya neta ka sui gui k’teek ne ayä ne, ka lu mu la ka m’khamu k’bawt ne thüi aih ne ka ngok ci.