JOB 13:4 - Cho Bible Common Language 2016

⁴ Nang naw chang k’ni ah na kyak nak cu na hleei awn na shung ci; Nang cu a u phi kä m’gai hlawt ciah seibawi awn na täng ci.

JOB 13:4 Referans Kwoze

SAM 119:69

Chang ah ng’shei ci gui naw kei ah mawng cu hleei ne pyen ci gui, cun ung phi ka m’lung kyong avan awn na m’shüm thein nak cu ka läk ci nei.

JEREMIAH 8:22

Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

MAKUH 5:26

Ani cu seibawi akda naw phi ami m’htei tu khit, a khawcham akda ng’pyi khai ah phi ng’pün khit ci, cun ung phi kä gai hlawt ne ka law piktäi ci.

MAKUH 2:17

Cun ah ami ng’shi gui cu Bawipa Jesuh naw ng’ya gui netah, “Gai ciah hmawk ah sei bawi kä hlü ci, gaw ciah hmawk ah hlü ci, Kei cu chang k’ni gui ka khü gui khai ah ka lawk ciah kä kyak ci, changshe gui ka khü gui khai ah ka lawk ci” cine kyak na gui ci.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

EZEKIEL 34:4

Nangmi naw aktha ken ci kä nami m’htei ci, gaw ci kä nami gai sak ci, leim ci kä nami hlawp ci, lam hma ci gui kä nami law püi ba ci, maih ci gui kä nami shui ba ci. Cun nak vaisü ung nangmi naw akshe ah nami om püi gui ci.

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

JEREMIAH 30:13

Nangmi ning m’htei gui khai a u kä om ci, Nami khei hlik ah a khan nak vai sei phi kä om ci, Nami gai nak vai ah ngaih u nak kä om ci nei.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JOB 6:21

Nangmi cu kei ung acun ah tuihta ah mäih ah nami u nawk Nangmi naw kei ah ghin ma hmat u ne, kyih nak ung nami na khü naw na kaih ba ci.

PHYAWN NAK 20:16

“Hleei pyen ne kä na saksi vai.

NEHEMIAH 6:8

Kei naw m’hlan ne ka tüi ba ci, “Nang ah na pyen gui a i phi kä hman ci, shin gui avan namät ah ngaih na pyen ah kyak ci.”

JOB 6:15

Cun ung phi ngami ka teihpüi gui, khaw kä a aa ung kawi ciah tuihta ah mäih ah nangmi naw nami na m’hleei ci nei.

JOB 6:20

Cun ung phi tuihta ket ah pei ah ami ngaih u nak maih sei sik ci gui.

JOB 27:12

Cun ung phi cun gui cu nami mät naw nami hmu pyi ci nei; cun ah kyasei a i ah kyasei nangmi akholä ah nami ng’thu ng’htau ang?