JOB 13:3 - Cho Bible Common Language 2016

³ Cun ung phi ka ng’cuhcan püi cu Khanpughi awn ah kyak ci, nang awn ah kä kyak ci; Kei ah ka mawng cu ani awn ka ng’cuh püi hlük ci.

JOB 13:3 Referans Kwoze

ISAIAH 41:21

Bawipa, Israel gui ah ghangpughang naw shin ah pyen ci: “Nangmi, chang pakhui gui ah khanpughi gui, nami mawngmaw cu m’dang law vä. Akbä pikbäih nami pyen nak hlü cu law püi vä!

JOB 31:35

Kei naw ka pyen gui cu a u naw kä ngai ma? Ng’thu pang cu akcang ah kya ciah kei ka ng’tam ci nei. M’gäi ciah Khanpughi naw na m’shang sä.

JOB 13:22

Khanpughi aw, ng’thu law ma ä, cun ung kei naw ka ning m’shang khai nei. Kä cun ung kei cu na ng’thu sak ne na m’shang ä.

JOB 9:3

A i cha ah a u naw ani am pyen na ba hning khai aw? Ani naw phya gha ng’shi nak gui ng’shi sei a u naw ka phyei hning man ci.

MIKHAH 6:2

Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

JOB 11:5

Khanpughi naw aning m’shan vai cu a i hlawk ah ang ka ng’yak hlü!

JOB 5:8

Kei cu nang ah ka kyak vaisü ung, Khanpughi ah ng’hlat ne, ka mawngma cu ka pek khai süte.