JOB 10:3 - Cho Bible Common Language 2016

³ Ana ah na shekhak ciah na mät lüng naw na na k’shekdam nak la changshe gui ah bilawh nak gui ung na hmai kyang cu hman ne maa?

JOB 10:3 Referans Kwoze

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

SAM 138:8

Nang naw na shaitak phung cu na bik khai; Bawipa, na m’hni nak cu ng’täi ci nei. Na bi mawng ah bi cu pyi phleh ne na bik khai nei.

JOB 14:15

Cun kawn ah nang naw na na khü khai, kei naw ka ning m’shang khai. Nang cu kei la na tüipian gui ah phäh ah na yei khai nei.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

JOB 40:8

Kei kä ka taga ciah tuhbäi na m’dang vai ah na k’tha nak ci ma? Kei täng ah chei ne na mät täng ah cang nak ng’dang khai ah na bik ci ma?

JOB 22:18

Cun ung phi Khanpughi cu ngami ng’bühmangh khai gui ah pyang gui ciah kya ci chang shekha gui ah m’lung gaih cu kei naw kä ka hmat hning ci nei.

JOB 21:16

Ngami naw ami mät ah thagui awn m’khüt näng ci gui ah pyen ci gui. Cun ung phi ngami ah ngaih-tüh cu kei naw kä ka dou hning ci.

JOB 9:24

Khanpughi naw changshe gui am khomdek cu pek gui ci. Suki gui van cu m’dah sak gui ci. Acun Khanpughi naw abi ah kä akyak ung, a u naw cu a bi?

JOB 8:20

Cun ung phi Khanpughi naw bekhüt ci gui cu a i yah ung phi kä nawng gui khai, chang shekha gui cu a i yah ung phi kä m’htei gui khai.

JOB 10:8

Na kut naw na pyang ne na shep ci, cun kawn ah tuhbäi acun ah kut awn na na m’di ci.

JOB 16:11

Khanpughi naw kei cu changshe gui ah kut ung na ap pyi ci nei.

JOB 19:6

Shin gui bi ci cu Khanpughi ah kyak ci, cicu kä nami hmuhmat hning ne ma? Bawipa naw kei ana pha nak vai ah cuun cu cuung pyi ci nei.

JOB 30:21

Nang naw ak ghuih ah na na om püi ci, Nang naw na huham avan awn na nak’dukdeiu nak ci.

JOB 31:15

Kei na tüisho ciah Khanpughi naw vah ka changshäm gui phi a tüisho gui ah kyak ci.

JOB 33:4

Khanpughi ah mümcha naw na pyang tham ne ghin nak na pek ci nei.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

JOB 15:13

Nang naw Khanpughi m’lungshe na ne cäk cha ah na ng’thu ci nei.