JOB 1:8 - Cho Bible Common Language 2016

⁸ Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

JOB 1:8 Referans Kwoze

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

JOB 8:20

Cun ung phi Khanpughi naw bekhüt ci gui cu a i yah ung phi kä nawng gui khai, chang shekha gui cu a i yah ung phi kä m’htei gui khai.

2 GHANGPUGHANG GUI 23:25

Moses ah thukhän avan läk ne, amlung kyong avan, a ghin nak avan, aktha gui avan awn Bawipa ah bii bi ciah ghangpughang cu a cau phi kä om man ci, a ngawi phi kä om khai.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

KHEI NAK 12:3

(Moses cu m’lung neim ciah chang, khomdek khan chang avan ung m’lung neim pi ci) cik ci.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

SAM 18:23

Kei ung hma nak kä om ciah ani naw hmat ci, cun ah kyasei cheishoh nak kä om ciah ani naw hmat ci, cun ah kyasei cheishoh nak kä om khai ah ka m’htei ci.

JOB 34:14

Khanpughi naw hnun gui ghin nak alak ba ah a kyak ung

JOB 12:4

Tuhbäi ka teihpüi gui naw phi na gaih tuk ci gui nei; ngami naw na gaih tuk ci gui, cun ung phi kei ka düng ci, katnak kä om ci. Cun ung phi Khanpughi naw ka taigü ana m’shan nak vai ah akhin om pyi ci nei.

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

EZEKIEL 40:4

Ani naw na pyen nak ci, “Hnicim chang, teng ä, kei naw ka ning m’hnuh phung geing na ne ngai ne, na m’htei kheng vai nei, a i ah kyasei ci ung acun vai ah phäh ah nangmi hmuh nü nü cu Israel chang gui am nami m’thein gui vai nei.

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

SAM 37:27

Akshe nawng ne, akni bi vä, nami hta ng’shon cu angtäi sei ng’dü khaw ung om khai gui nei;

SAM 36:1

Shetkat nak cu changshe ung thu pyen ne, am lung ung htek ci. Ani naw Khanpughi hnu ng’tuk püi ne kä kyih aa ci.

SAM 34:14

Akshe nawng ne, akni nami bi vai; Na m’lung kyong avan nawn tha na ne dim deeih nak na bi vai.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

JOSHUA 1:2

Ani naw, “Ka changshäm Moses cu si pyi ci. Tuhbäi pawng ge ä, nang la Israel chang avan naw Jordan tuinu hei kat ne, ka ning pek gui ah khaw ung lut vä.

JOB 2:1

Bawipa ah ma ah khanchang gui ami dang law nak ba vai ah hnüüp gawk law ba khäta, Satan phi ami ng’lung ah law tuk ci.