JOB 1:6 - Cho Bible Common Language 2016

⁶ Khanchang gui Bawipa ah ma ah ami law vai ah akhin a gawk law yah ung, Satan phi ami ng’lung ah law tuk ci.

JOB 1:6 Referans Kwoze

JOB 2:1

Bawipa ah ma ah khanchang gui ami dang law nak ba vai ah hnüüp gawk law ba khäta, Satan phi ami ng’lung ah law tuk ci.

JOB 38:7

Cun ah hnüüp kho thaih hta ung aisi gui naw atäng ah ng’äi m’cu ci gui, Khanchang gui cu yei ne m’lau ci gui.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

1 SHONTÄP NAK 21:1

Satan naw Israel chang gui ah khan ah yaica nak law püi hlü neta, David naw chang ak khei vai ah k’bäi sak ci.

ATÜNNAK 6:4

Cun sangung khomdek khan ah chang angghaw angsau gui om man ci gui. Cun gui cu chang hnumi gui la khanchang gui ah hta gui ah kyak ci. Ngami cu gaigawng mingthang ne om man ci gui.

JOHAN 6:70

Bawipa Jesuh naw, “Kei naw chang gha-lei-goi ka ning ghü gui ciah kä kya ne ang? Cun ung phi nangmi ungka chang tumat cu, khoshe ah kyak ci nei” cine pyen na gui ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

LUKA 3:38

Kennan cu Enosh ah hta, Enosh cu Seth ah hta, Seth cu Adam ah hta, Adam cu Khanpughi ah hta ah kya ci.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

2 SHONTÄP NAK 18:20

Mümcha tumat naw Bawipa ah pei ah ng’et law neta, a pyen cu, “Kei naw ka m’hleei khai ne,” cik ci. Bawipa naw a i hawcha ah ang? cine ng’shik ci.

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.