JOB 1:3 - Cho Bible Common Language 2016

³ Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

JOB 1:3 Referans Kwoze

JOB 29:25

Kei naw ngami ah phäh ah ka na ne ka m’hnüt bäi ci. Ghangpughang naw a gakap gui ma atawn gui ah mäih ah kei naw ma ka tawn gui ci. Ami m’lung ang neim yah ung m’lung üp nak ka pe gui ci.

JOB 42:12

Bawipa naw Joba am ak htük ung a peit ah hriham ah mä däm pi khai ah ak hnu täng a ghin nak ung pe ba ci. Joba naw htome phya phya gha lei phli, kalauk phia chukkip, seipat phya m’ku lah ng’sela phya gha tuhbäi ka nak ci.

SUKI GUI 6:3

Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.

1 GHANGPUGHANG GUI 4:30

Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.

KHEI NAK 23:7

Balaam naw shin ah cängbang nak cu ng’shäu ci: Moab ghangpughang Balak naw kei cu Siria khaw ak kyang lam khaw gui ungka naw na law püi ci. Ani naw, ‘Law ne kei ah phäh ah ng’thu ä’ ‘Israel chang gui plah tam gui ä,’ cik ci.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

ATÜNNAK 12:16

Ghangpughang naw cun ah hnumi ah phäh ah Abram cu khinchah na ne, htaw gui, me gui, vantang gui, sela gui, kala uk gui la changshäm gui akda cu pek ci.

ATÜNNAK 12:5

Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,

ATÜNNAK 29:1

Jakob cu hteit gäk gäk ne hnilaw lam khaw hmun ah gawk lawk ci.

ATÜNNAK 13:6

Ngani cu ani seime gui da aih sei, a täng ah ani om nak vai ah ng’büh khai ah khaw hmun kä om ci.

2 SHONTÄP NAK 32:29

A cun gui avan ah kawn ah, Khanpughi naw seipat gui la htome gui la a hei khawh cham akda pe sei, ani naw mang gaw akda cu co ci.

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

2 GHANGPUGHANG GUI 3:4

Moab ghangpughang Mesha naw htome gui vuh ci, ani naw a kum tä sei Israel ghangpughang am htome hta 100,000 la htome 100,000 amu cu pe lawk ci.

1 SAMUEL 25:2

A cu ah Kaleb pahta ung ka Nabala ming nak ciah chang om ci, ani cu Maon gawnu ungka, karmela gawnu pei ah khawpäng ciah kyak ci. Ani cu a täng ah bühmang ci, htome phia thum kip la me phia gha tak ci. Achu Abigail cu kyom ne lulang ci, cun ung phi ani cu chang sawkshe, m’lungshe ciah chang ah kyak ci. Nabala naw Karmelaa ah a htomu k’teiu ci,

SUKI GUI 6:5

Ngami cu ami vuhchah gui la ami im gui am lawk ci gui, khanpeh ng’nawng ah mäih ah da ci gui. Ngami la ami kala-uk gui kä khei tai vai ah da ci gui. Ngami cu law ne cun ah khaw cu m’dimshum cu gui.

ATÜNNAK 34:23

Ngami ah seime la khawh chaam avan cu mikmi ah kaa ah kyak khai ah kä kya ne ang? Cun ah kyasei mikmi naw mi yum ung ngami cu mi ng’lung ah om tuk khai gui nei” cik ci goi.

ATÜNNAK 25:6

Cun ung phi ani cu ghing yah ci kya neta, a hei ak chu gui awn ami hta gui am phi a khawh cu pe gui ci. Cun ah a hta gui cu Isaak awn ng’shawng ne om khai gui ah hni law lam ah tüi gui ci.

SUKI GUI 8:10

Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

1 SAMUEL 27:9

chang pami, hnumi avan ngawn ne, htome, seipat, ng’se la, kalauk gui avan la suisak gui avan cu la yawp ci. Cun ungka naw Achish ah law ba ci.

JOB 1:4

Joba ah hta gui cu angtän ah ei awk pawi bi u ne, ami van küm ci, ci gui. Acun päng ung ami be gui thum phi khü ci, ci gui.

JOB 1:10

Nang naw ami mät a k’phlüt ah na shungvong ci nei, Abi phung cu nang naw phyuhtheh pe ne khopäng avan ung be khai ah sei m’na gui na pek ci nei.

JOB 21:28

Nangmi naw nami ng’shik ci, “Tuhbäi akshe bi ne dämduh ciah chang ah im cu a hawi ang?”

JOB 31:25

Käcung ka bühmang nak awn kä ka khähghah ci.

JOB 31:37

Kei naw ka bi gui ng’nü cu Khanpughi am ka m’thein khai nei. Ani ah ma ah kalu m’täu ne ka m’dang khai nei.

JOB 42:10

Joba naw a teihpüi gui thumah phäh ah a k’taigü kawn ah Bawipa naw ani cu ng’bühmang ba sak ci, ayanka ah mä a goi ah däm khai ah pe ba ci.

JEREMIAH 49:28

Shin cu Kedar pakhui la hazor naw akpan khopäng, Babilonia ghangpughang Nebukhadnezzar naw akhäm ah mawng Bawipa naw a pyen ah kyak ci; “Kedar chang gui tu gui ne ak kyang täng changpakhui cu m’di vä!

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 32:14

me akhik phia goi, ak hla m’ku,

2 SAMUEL 12:2

Bühmang ci ung sei akda la htome akda om ci,

2 GHANGPUGHANG GUI 15:20

Cun ah ngui cu Menahem naw bühmang ciah Israel gui am tumat ung ngui hmakip ciah a loh sak gui ah kyak ci. Cun ah kyasei Tiklath Pileser cu a khaw ah hteit ba ci.