JOB 1:21 - Cho Bible Common Language 2016

²¹ Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

JOB 1:21 Referans Kwoze

THUSHÄUTU 5:15

Shin ah m’dek khan ung a i kä law püi ah mi luh law ah mäih ah, a i kä hteh püi ah mi nawng shüt ci. Mi bi akda mi bi ung phi, cun avan cu mi mät awn atäng ah kä mi hteh püi hlawt ci.

1 TIMOTHI 6:7

Khomdek khan ah mi law sang ung a i nei mi law püi? Khomdek khan ung kaa mi hteh law ba ung mä a i nei mi hteh püi kaw?

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

SAM 49:17

Ani naw cun ah khawh cu a sih ung kä hteh püi hlawt khai. A khawh naw ng’cim hmun ah phi kä hteh püi khai.

1 SAMUEL 2:7

Ani naw amshah dukhaih sak ci, amshah bühmang sak ci; Amshah neim sak ci, amshah dämduh sak ci.

NG’ÄI KYAH 3:38

Ani ah thumkhän cu akni la akkaa naw atäng ah gah ci goi nei.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

SAM 39:9

Kei cu adüm ah ka om khai, m’kha ät ah phi kä ka ng’thu khai, a cun ah ka om vai cu nang ah bi ah kyak ci nei.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

JOB 1:11

Cun ung phi tubäi ani ung om ci avan na lak pek yawp vaisü ung ani naw na hmai ma ung ning plahtam khai nei!” cik ci.

1 SAMUEL 3:18

Cun ah kyasei Samuel naw a päng m’thein ci; a i hta phi kä m’zih ci. Eli naw, “Ani cu Bawipa nei; ani ung om ciah aknipi phung cu ani naw bik khai nei” cik ci.

ATÜNNAK 45:5

Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei.

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

ISAIAH 24:15

Ak kyang tang ung om ci gui naw ani cu m’taam khai gui nei. Tuinu ah yung ung om ci gui naw Bawipa, Israel khanpughi cu m’taam khai gui nei.

THUSHÄUTU 5:19

A vaisü ah Khanpughi naw chang tumat am bämang nak la khawh cham pek ne, a yeikyai sak ah akyak ung ani naw m’hlüngtai ne, a cun ah abi gui awn a yeikyai vai ah kyak ci. Shin cu Khanpughi ungka letsawng nei.

2 GHANGPUGHANG GUI 20:19

Ghangpughang Hezekiah naw shin ah a mawng cu ani a ghin yah ung dimdeeih nak la ngaih gep nak om khai ciah ngai neta, ani naw amshah cu, “Nang naw Bawipa ungka lawk ciah ng’thu na na pek cu nik ci nei” cik ci.

1 GHANGPUGHANG GUI 12:15

Shin cu Bawipa ah angyak hlü ah Shilon ungka prophet Ahijah ung Nebat ah hta Jeroboam am ng’thu am thein a law püi ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

ATÜNNAK 30:2

Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

RUT 1:21

Shin ung ka, ka hteh sang ung khawh da sei ka hteit te ci, Cun ung phi Bawipa naw a ghawng ah na law püi ba ci nei. A i ah kyasei Naomi ah nami na khü ang? Kei cu hlüng Tai ciah Bawipa naw nam kyuk ne, khüi kha nak ung Na tüi ci nei,” cik ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

JOB 9:12

Ani naw ang yak hlü bi sei a u naw kä ng’düm sak hlawt ci; “A i cu na bi?” cine a u naw kä ng’shi dat ci.

SAM 34:2

A bilawh gui ah hmawk ah ka m’taam khai nei; ami shedam nak ah chang van naw ngai ne, yei u sä!

THUSHÄUTU 5:14

Cun kawn ah amawng ama akshe awn avan maih yawp sei, ami hta nau am ami pek vai phi kä om ne ng’pyi ci.