JOB 1:10 - Cho Bible Common Language 2016

¹⁰ Nang naw ami mät a k’phlüt ah na shungvong ci nei, Abi phung cu nang naw phyuhtheh pe ne khopäng avan ung be khai ah sei m’na gui na pek ci nei.

JOB 1:10 Referans Kwoze

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

JOB 31:25

Käcung ka bühmang nak awn kä ka khähghah ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

SAM 90:17

Bawipa kami Khanpughi, na hriham cu keimi ah khan ah gawk law sä. Kami bi nak phung ung näng nak na pe gui ä!

THULÄÄN NAK 7:13

Ani naw ning m’hni gui ne, ning phyuh-theh gui khai. Cun ah kyasei nangmi cu nami da lawk khai. Nami htanau phi da khai. Ani naw nami lo lai gui cu hriham pek khai. Cun ah kyasei nangmi ung htang ni, sapyit ni, oliv situi ni om khai. Ani naw seipat gui la htome gui akda ning pe gui ne hriham ning pe gui khai. Ani naw a ning pek gui vai ah nami pupa gui am a shaitak ah shin ah hriham avan cu ning pe gui khai.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

1 SAMUEL 25:16

Hto gui shäm ne ngami awn a täng ah kami om yah ung amü, a hnüüp akphlüt ah na ngäng gui ci gui.

THULÄÄN NAK 33:27

Khanpughi cu angtäi sei nangmi ah ng’shung nak ah kyak ci. Ani ah ng’täi ciah a kut gui cu nang ah ng’khäng nak ah kyak ci. Ami van nami m’di gui vai ah ani naw ning m’thein gui ci.

SAM 71:21

Nang naw angtäi sei na na hlüngtai sak pi khai; Nang naw na na shungvong ba mä khai.

JOB 42:12

Bawipa naw Joba am ak htük ung a peit ah hriham ah mä däm pi khai ah ak hnu täng a ghin nak ung pe ba ci. Joba naw htome phya phya gha lei phli, kalauk phia chukkip, seipat phya m’ku lah ng’sela phya gha tuhbäi ka nak ci.

ATÜNNAK 49:25

Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

ATÜNNAK 30:43

Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

SAM 80:12

A i ah kyasei ng’vong nak gui cu na gäi ang? Tuhbäi ung hteit ci päng naw ak theih cu m’guk ci gui nei;

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

JOB 29:6

Ka sei gui ka me gui naw suuk tui akda na pe u ne, Ka oliv sing gui cu lung chawng hmu ah phi tho man ci.

THULÄÄN NAK 33:11

Bawipa, ami pakhui khüighat khai ah m’hteihtang gui ä. Ngami ah ami bilawh cu yei na gui ä. Ami ga avan deng gui ä, Kä thawh en ba sak gui ä.”

ATÜNNAK 39:5

Cun ung tün ne Joseph ah hmawk ah Bawipa naw Egypt chang ah kyongkhui la im khawh avan la lo lai gui cu hriham pek ci.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

JOB 29:2

Khanpughi naw ana tengken man yah ah mäih ah a kyak ba vai ah ka ng’ya hlük ci.