JOB 1:1 - Cho Bible Common Language 2016

¹ Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

JOB 1:1 Referans Kwoze

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

EZEKIEL 14:20

acu ah Noah, Danela la Joba om ci gui ah a kyak ung phi — kei, Uktu Bawipa ghing ciah khanpughi ka om ci kiasei-ngami naw ami mät ah hta nau gui phi kä hun hning khai gui. Ami ni nak naw ami mät ah ghin nak bäng hun gui khai.”

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

JOB 1:8

Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

ATÜNNAK 6:9

Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 PETER 3:11

Ani cu akshe ng’hlah tah ne akni a bi vai: Dimdeeih nak a om vai ah am lung kiong avan nawn Ak tha nak vai.

1 SHONTÄP NAK 1:17

Shem ah hta gui — Elam, Asshur, Arpakshad, Lud, Aram, Uza, Hul, Kether, la Meshek — ami ming m’küi ciah chang gui ah pupa gui ah kya lawk ci gui.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

ATÜNNAK 36:28

Dishon ah hta goi cu, Uza la Aran ah kyak ci.

ATÜNNAK 10:23

Aram ah hta gui cu Uza, Hula, Kether la Meshek ah kyak ci.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

THULÄÄN NAK 18:13

Bawipa ung akbe ah bekhüt vä.”

JOB 4:6

Nang cu Khanpughi na khawihnah ci kya ne, na ghin nak ung pyen vai kä om ci, Cun ah kyasei nang ung m’lung üpnak la ngaih u nak a om vai kyak ci.

JOB 9:21

Kei cu ka theing ci, cun ung phi a u naw kä na shum ci. Kä ka ghin ba hlük ci. Chang ni phi changshe phi Khanpughi naw m’di ci.

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

NG'THU K'THUUK~ 14:2

Nami htingling vai. Htingling ci naw Bawipa a kyih aa nak dang sak ci. Kä nami htingling ung kä nami kyih aa ciah kyak ci.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.