JEREMIAH 9:9 - Cho Bible Common Language 2016

⁹ Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.

JEREMIAH 9:9 Referans Kwoze

JEREMIAH 5:29

“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

ISAIAH 57:6

Nangmi naw ng’mi ciah lung gui cu a cun ung ka la neta, khanpughi cine nami khawihnah ci. Nangmi naw sapyit tui cu k’phyuh ne nami douthak ci, htang-douthak phi nami lawpüi ci. Shin gui avan cu kei naw ka yei nak ciah nami ngai ne ang?

JEREMIAH 4:25

Chang a u phi om sei kä ka hmuk ci; kha gui phi zong yawp ci gui.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 12:11

Ngami naw cun cu khaw k’pu ah pyang ci gui nei; cun cu kei ah ma ah shiu ne om ci nei. Khaw avan cu bung ah kyak ci, a u naw kä m’htei ci.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JOEL 1:19

Kyap ne ka ng’pa ci nei, Bawipa, a i ah kyasei ci ung khu lim gui la sing gui cu chawng yawp ci, cun gui cu mei naw ui yawp ci nei.

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

AMOS 5:2

Lamihta Israel cu kyu ne ng’yän ci nei. Kä tho law ba hlawt ci! Ani cu khomdek ung amät bäng ng’yän ci, a u naw kä m’tho tuba ci.