JEREMIAH 9:5 - Cho Bible Common Language 2016

^5-6 Ngami ami van naw ami teihpüi gui lam h ma sak u ne, a u naw a hman kä pyen ci; Ngami naw ami m’lei cu hleei nak m’thei u ne, ami katnak cu kä nawng hlawt ci gui. Ngami naw ngawn pha nak tumat kawn ah tumat bi u ne, hleei hlak nak tumat cu ahei tumat naw läk law ba ci. Bawipa naw pyen ci, ani ah a chang gui naw ani cu hnungtuk ci gui.

JEREMIAH 9:5 Referans Kwoze

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

ISAIAH 57:10

Nangmi cu ahei khanpughi gui shui ne nami cümbawng ung phi, kä nami m’lung k’si p ung ci. Nangmi naw shemshai ciah agup gui naw thagui ning pek gui ciah nami ngai ci, cun ah kya ne nami thagui kä ken law phung ci.

JOB 15:5

Na mät ah shekat nak cu na ng’thu naw ng’dang sak ci nei; Nang cu akni ah ng’thu ne k’tha na ne na ng’shung ci nei.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

MIKHAH 6:3

Bawipa naw, “Ka chang gui aw, a i ang ka ning bi pek gui man, a i ah ka ning khüikha sak gui man? Na m’shang vä.

EZEKIEL 24:12

Cun ung phi hnai gui läi cu meidäi ung kä maih yawp khai.

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

ISAIAH 5:18

Nami khaw mü ci nei! Nangmi nami katnak ung ka, kä nami phyawng hlawt ci nei.

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

SAM 140:3

Ngami ah m’lei cu sih nak ah k’phyu ah mäih ah kyak ci; Ngami ah ng’thu cu m’htung k’phyu ah m’äm ah mäih ah kyak ci.

SAM 64:3

Ami m’lei cu chim ah mäih ah m’ghü ci gui, ami thushe cu m’la ah mäih ah kyak ci.

SAM 50:19

“Nang cu angtäi sei thu k’she ah thu ne, akshe na pyen vai kä na geing na phung ci.

SAM 7:14

Teng vä, a i hlawk ah changshe gui naw akshe ah m’lung ngai u ne; Khüikha nak pawng püi ne, chei khai ah ami bi gui cu!

JOB 11:3

Joba, keimi naw kä ka mi ning m’shang hlawt khai ah na ngai ne ma? Nang ah yüihsha nak ah ng’thu naw keimi cu ang thu kaa ah na om sak gui khai ma?

ATÜNNAK 19:11

Cun kawn ah cun ah chang gui cu ami mik m’dauh sak gui ni sei, ngami naw m’kawt kä hmu hlawt ci gui.

SAM 52:3

Nang cu akni ah ta, akshe na m’hni pi ci, düng nak ah ta, hleei nak na m’hni pi ci.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

JEREMIAH 51:64

Cun kawn ah na pyen vai, ‘Shin cu Babilon ah khan ah gawk lawk khai ah amawng nei — Cun cu hniim ne, kä phong law bap hung khai, a i ah kyasei ci ung cun cu ani ah khan ah Bawipa a law püi vai ah dishum nak ah a kyak ah phäh ah kyak ci.’” Jeremiah ah ng’thu cu shin ung ng’pyi ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

SUKI GUI 2:10

Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.

NG'THU K'THUUK~ 12:5

Düng ciah chang gui naw hmai kiang ne ning khawt püi khai gui, changshe gui naw ning m’hleeihlak khai gui.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.