JEREMIAH 9:4 - Cho Bible Common Language 2016

⁴ Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

JEREMIAH 9:4 Referans Kwoze

JEREMIAH 6:28

Ngami ami van cu ami m’lung ling ne hnungtuk ci gui, kyei la m’si ah mäih ah liu cu gui. Ngami ami van cu theileh ci gui, hteit shüi shüi ne ng’pyen sak ci gui.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

NG'THU K'THUUK~ 25:18

Kä hman ciah ng’gu k’bün nak cu sih nak ah khim ghat, htung tawn la m’la ak ghat ah mäih ah kyak ci.

NG'THU K'THUUK~ 10:18

A thüigen nak thup ciah chang cu hleei ciah kyak ci, ng’pyen sak ciah chang cu gu ang ciah kyak ci.

SAM 15:3

Chang kä pyen m’shet ciah kyak ci. Ani cu a teih püi phi kä katnak ci, paw chang phi kä züi cha ciah kyak ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

LUKA 21:16

Nami nupa, phäi nau, mätyah gui naw gaa ah kut ung ning ap gui khai gui. Nangmi ungka amshah cu ngawn khai gui.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

NG'THU K'THUUK~ 4:17

Shekat nak la m’ghämce nak cu tui ei nak ci gui.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.