JEREMIAH 9:23 - Cho Bible Common Language 2016

²³ Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

JEREMIAH 9:23 Referans Kwoze

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

EZEKIEL 7:19

Ngami naw ami ghui la ngui gui cu ng’awt ah mäih ah lam gui ung ghawt khai gui, a i ah kyasei ci ung Bawipa naw am’lung ah 30 nak a lawn law hnüüp ung ngui la ghui naw kä hun gui hning khai. Ngami naw cun cu ami ng’yak hlü abä nak vai ah kä mang hlawt khai gui, ami puk chi phi kä k’be na hlawt khai gui. Ghui la ngui naw katnak ung hteh püi gui ci.

NG'THU K'THUUK~ 11:4

Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

MAKUH 10:24

Ang düihpüi gui cu Bawipa Jesuh ah ng’thu ng’ya u netah, ngai khit ci gui. Cun kawn ah Bawipa Jesuh naw, “Ka hta gui aw, Khanpughi ah kho ah gawk vai cu khak aih ci nei!

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

EZEKIEL 29:9

Egypt cu chang ah kä om nak a ghawng ah kyak khai. Cun kawn ah nangmi naw kei cu Bawipa ah nami na hmat khai. Nang naw Nile tuinu cu, na kaa na pyan ah na pyen ah phäh ah

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

THUSHÄUTU 2:19

ani cu cüivai ci, käcung gu-ang ciah — a u naw hmat khai aw? Cun ung phi kei ah ka bi gui nü, khomdek khan ung, kei ah cüivai nak naw a gah gui nü cu, ani naw ka nak khai ah kyak ci. Cun gui avan cu akholä ah kyak ci.

1 SAMUEL 17:42

David cu hmu law ne ng’htei neta, ani cu a i ah phi kä sui ci, a i ah kyasei ci ung ani cu nong ne, kyom hta ci.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

1 KORIN 1:31

Cun ah kyasei cacim ung om ciah mäih ah, “A u chang phi khähgha hlük ciah chang phung cu, Bawipa ah bi nak ah khan ung khänghah sä.”

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

JOB 32:13

Cüivai nak nami hmuk ciah a i hawkcha ah nami pyen khai aw? Nangmi nami shum ci kyasei Khanpughi naw Joba cu m’shang khai nei.

NG'THU K'THUUK~ 3:5

Bawipa cu na m’lung kyong avan awn na yum vai, na mät ah hmuhmat nak ung kä na ng’khüng vai.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

ISAIAH 20:5

Sudan ung ngaih gep ci gui la Egypt ah mawng khähghah ci gui cu, ami ngaih u nak maih sei, ak cang hmu lawk khai gui.

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

JEREMIAH 49:4

A i ah kyasei kä nami bekhüt ciah chang gui ami khähghah ang? Nami k’thagui cu ng’kia pyi ci nei. A i ah kyasei nami huham ngaih u ne, a u naw kä ning tu aat gui hlawt khai ah nami pyen ang?

JOB 41:15

Ani ah ak pang ung lung ah mäih ah kya ne shawi ah mäih ah ng’phoh ciah ak phlep gui om ci nei.

SAM 33:5

Bawipa naw düng ci la taga ci phung cu m’hni ci; Ng’täi ciah am hni nak naw khomdek cu be sak ci.

SAM 34:3

Kei awn atäng ah Bawipa ah küi kyang nak cu ng’shäu vä; Aming cu atäng ah mi m’tam khai ne.

SAM 44:9

Cun ung phi tuhbäi nang naw na ng’hlah ta gui ne, na na hnim sak gui ci nei; Nang naw kami ga kap gui phi kä na düih püi ba gui ci nei.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.