JEREMIAH 9:22 - Cho Bible Common Language 2016

²² Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

JEREMIAH 9:22 Referans Kwoze

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 25:33

Cun ah hnüüp ung Bawipa naw a ngawn ah chang ah pumsa gui cu, khocawi vang ungka naw vang ah khüt khai ah ng’zaih ne ng’zän khai gui. Ngami ah phäh ah a u phi kä thüisei khai, a u naw phi la ne kä m’ciim gui khai. Ngami cu eek ah mäih ah m’dek ung ng’pum khai gui.

ZEPHANIAH 1:17

Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

JEREMIAH 7:33

Gook gui cu kha gui la khisa gui ah buh ei ah kyak ci, cun ung cun gui k’täm khai a u phi kä om ci.

2 GHANGPUGHANG GUI 9:37

K’pawih ba cicu ekk ah mäih ah ng’yaih khai, a u naw a i ah m’khoi chah ne kä hmat khai.”

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

2 GHANGPUGHANG GUI 20:13

Hezekiah naw ng’shä gui cu dou gui neta a khawh gui cu m’hnuh gui ci — a ngui ghui gui, tui ng’ui gui, situi ng’ui gui la likhim gui avan ah kyak ci. Ani naw kä a m’hnuh gui, akhei gui la a uknak khaw avan ung a i kä om ci.

2 GHANGPUGHANG GUI 20:15

“Mang im kyong ah i ang ami hmuh?” A päng päng hmuk ci gui. Khei gui ah kyong ung kei naw kä ka m’hnuh gui a i kä om ci.

SAM 49:7

Chang naw amät kä gung hlawt khai; A hnun gui ah phu Khanpughi am kä pe hlawt khai,

NG'THU K'THUUK~ 18:11

Buhmang ciah chang gui naw, hlüng ne khang ciah k’pang naw mang gaw akoi ah maih ah ami khawh nawa shungvong gui ciah yum ci gui.

NG'THU K'THUUK~ 23:4

Bä ciah na cüivai vai. Bühmang vai ah kä na tha nak aih vai.

HABAKKUK 1:11

Ngami cu khokhi ah mäih ah maih ne ng’kawn ci gui. Ami mät ah huham cu ami Khanpughi ah kyak ci nei.”