JEREMIAH 9:20 - Cho Bible Common Language 2016

²⁰ Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

JEREMIAH 9:20 Referans Kwoze

JOB 22:22

Ani ah m’theithang nak cu dou ne ani ah ng’thu cu nam lung ung tha ä.

ISAIAH 3:16

Bawipa naw, “Teng vä, Jerusalem ung hnumi gui shi, a i hlawk ah chang ah ng’shei ci gui ang! Ngami cu khaw häu ung dong ne hteit hton ci gui. Ngami cu angtäi sei lawklak ci gui. Ang ghin hta ah m’khan u ne, ami khaw m’awi ung ami khawkhih phi ching ching ah ng’ging ci.

ISAIAH 3:4

Bawipa naw chang gui cu kä ng’vai phak ciah ak hmaw gui am uksak gui khai.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

JEREMIAH 23:16

M’gäi ciah Bawipa naw Jerusalem chang gui pyen ah gui ci, “prophet gui ah pyen cu kä nami ngaih vai; ngami naw akholä ning ngaih u sak gui ci gui. Ngami naw ami mät ah ngaih ning m’thein gui ci gui, cun cu kei ah pyen ah kä kyak ci.

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.