JEREMIAH 9:17 - Cho Bible Common Language 2016

¹⁷ M’gäi ciah Bawipa naw pyen ci, “A i ah kya lawk khai cicu ngaih-tüh vä! Thüi kyap khai, gook kyah ng’äi kyap ciah hnumi gui khü gui vä.”

JEREMIAH 9:17 Referans Kwoze

THUSHÄUTU 12:5

Nangmi cu a hlüng nak ung nami kyik khai, lam nami hteh ung kyihkyawk vai kyak khai. Nami lusam bawk khai; nami mät naw nami mät khak sei nami hteit khai, nami ng’yak hlü nak phung avan maih khai. Mikmi cu ak hnu ah ng’düm nak ah hmun ung mi hteit khai, lam yung ah chang gui kyap khai gui.

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

MAKUH 5:38

Zairus ah im ah ami gawk ung chang gui cu, kyap ne m’lau ci ni, cäicat ui cai ci ni ah kyak ci gui.

JOB 3:8

Cecai ci gui m’thein gui vä, cun ah hnüüp cu plah taam u sä, ngami naw Leviathan a i cha ah k’pan vai cu hmat ci gui nei.

MATTHE 9:23

Bawipa Jesuh cu yungbawi ah im ah gawk law netah, gook htüm ne, tum ng’lam ci gui cu hmu gui ci.

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

EZEKIEL 27:2

“Hnicim chang, Tire ah phäh ah ng’äi kyah m’cu ä,

EZEKIEL 32:16

Shin ah ng’cet ciah k’bäi nak cu ng’äi kyah ah kya lawk khai. Chang pakhui ung hnumi gui naw Egypt la a chang avan ah phäh ah thüisei ne m’cu khai gui. Kei, uktu Bawipa naw ka pyen nei.”

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”