JEREMIAH 8:7 - Cho Bible Common Language 2016

⁷ Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.

JEREMIAH 8:7 Referans Kwoze

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

SOLOMON NG’Ä~ 2:12

K’pyaama ah cheipai gui m’guh ci gui. Shin cu ng’äi m’cu nak vai ah akhin ah kyak ci; Lo yung ah müm ah ng’kyuut cu ng’yak nei.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

ZEKHARIAH 5:9

Cun kawn ah han teng ba neta, huham mah ciah ng’phya na ne, ngamyawk ah mäih ah yawng lawk ciah hnumi hnih cu ka hmuk ci. Ngani naw cun ah dawn cu la ne yawn püi ci goi.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

HABAKKUK 1:4

Thukhän cu ng’yom ci, a i ah kä mawng ci, taga ciah m’khoicha nak kä om ci, changshe gui naw changnigui ah ni nak cu la u sei, taga nak cu ng’lat yawp ci.