JEREMIAH 8:22 - Cho Bible Common Language 2016

²² Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

JEREMIAH 8:22 Referans Kwoze

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

ATÜNNAK 37:25

Cun kawn ah ei ami ei yah ung Ishmaela ah chang bum gui cu tui ng’ui sing pli gui kalauk am k’phuih u ne, Kilead khaw ah kaa Egypt khaw ah hteit khai gui ah law u sei hmuk ci gui.

JEREMIAH 51:8

Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.

LUKA 8:43

Cun gui ah ng’lung ah kho kum gha-lei-goi ung asi ng’chawt sei gaw ciah hnumi tumat om ci. Amät ung om ciah ngui ghui avan ng’pyi khai ah sei saya akda ghüh ne ng’pün ne phi kä gai ba ci.

ATÜNNAK 43:11

Ami pa naw ngami am, “Cun ah a kyak ung uk ciah bawi am nami pek vai ah, mi khaw ungka akni pi gui ah kyak ciah sing ui api, khoitui, cünggük, hei theih la sing theih gui hteh püi vä.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

JEREMIAH 6:7

Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

EZEKIEL 27:17

Judah la Israel gui naw nang ah khawh cu, cuung htang, khoitui, oliv-situi la tui ng’ui awn hleih lawk ci gui.