JEREMIAH 8:2 - Cho Bible Common Language 2016

² Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 8:2 Referans Kwoze

2 GHANGPUGHANG GUI 23:5

Judah mang gaw gui la Jerusalem ah peileng hmun gui khongyo sonkiang gui ung khawihnah douthak khai gui ah Judah ghangpughang gui naw phyuh theh ne ami tha ah taigü gui cu ani naw yung ungka k’täm gui ci — taigü gui ami van, Baala ni, khohni ni, cha ni, kumkü gui ni, aisi gui ni am khawihnah douthak ci gui cu k’täm gui ci.

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

JEREMIAH 9:22

Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

EZEKIEL 8:16

Cun ah kyasei ani naw Taigüim ah akyong täng ah na hteh püi ci. Cun ung pum im kyong ah valuh nak, sankiang la vailang ah ani ng’lak ung Chang m’ku lei hma om ic gui, Ngami naw pum nak cu hnu na u ne, ak kyang täng ah kawp u ne, khohni pyu cu khawthnah ci gui.

JEREMIAH 36:30

Cun ah kya sei, tuhbäi kei, Bawipa naw nang ka ning pyen nak ci, ghangpughang Jehoiakim, nang ah htangshon a u naw phi David ah uknak khaw cu kä uk khai nei. Na gook cu hnüüp ung khaw ng’ling ne khomü ung khüi ah toi nak ung ghawh vai nei.

JEREMIAH 22:19

Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

2 GHANGPUGHANG GUI 21:3

Apa Hezekiah naw a phyeet ah khongyo khawihnah nak ah hmun gui cu co ba ci; Israel ghangpughang Ahab naw abi ah mäih ah Baala khawihnah nak vai ah sonkiang co ba ne, khanpughinu Asherah ah a gup phi pyang ci. Manasseh naw aisi gui phi khawihnah ci.

ZEPHANIAH 1:17

Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

THUSHÄUTU 6:3

Chang tumat cu phia ah hta ne, ak sho a ghin ung phi, a i güt a ghin ung phi, ani ung yeikyai nak kä om ne, akni ah htüm kaw nak phi kä a om ah a kyak ung, hta nak vai am sik ciah hta-yüt ah ta ka tuba ci nei.

2 GHANGPUGHANG GUI 21:5

Taigüim tung goi ah anglak ung ani naw aisi gui khawihnah nak vai ah sonkiang cu co ci.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

THULÄÄN NAK 17:3

Cun cu a hei khanpughi gui, kä cun ung khohni, kä cun ung cha, kä cun ung aisi gui khawihnah ne, ami bii bi ne, Bawipa ah thukhän a hnu ng’hlah nak püi ah kyak ci.

SAM 53:5

Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.

JEREMIAH 31:40

Aksi gui ami phuh nak la ng’awt ami gawh nak ah khong nawi la kidron tuihta ah ahan khan khobung avan, ak kyang täng ng’se m’kawt ung khüt cicu kei ah phäh ah a theingcim hmun ah a kyak khai. Mang gaw cu a u naw phi ka shu sheiuh kä m’di m’shum ba khai.”

EZEKIEL 6:5

Kei naw Israel Chang gui ah ami gook gui cu ka püipiang sak khai: kei naw ami guh gui cu sonkiang ah angveing gui avan ung ka püipiang sak khai.

EZEKIEL 29:5

Kei naw nang la nga gui avan cu khong gau khaw ah ka ning ghawt gui khai. Na pumsa cu khomdek ung kya lawk khai, kä phuh ah ning nawng khai gui. Kei naw kha gui la khisa gui am ami ei vai ah ka pe gui khai.

SAM 83:11

Oreb la Zeeb ah khan ah na bi ah mäih ah ami ng’vai gui ah khan ah na bi ah mäih ah uk ci gui cu na tuk gui vai nei,

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

JEREMIAH 25:33

Cun ah hnüüp ung Bawipa naw a ngawn ah chang ah pumsa gui cu, khocawi vang ungka naw vang ah khüt khai ah ng’zaih ne ng’zän khai gui. Ngami ah phäh ah a u phi kä thüisei khai, a u naw phi la ne kä m’ciim gui khai. Ngami cu eek ah mäih ah m’dek ung ng’pum khai gui.

EZEKIEL 39:5

Ngami cu khong pyäu ung sik khai gui, kei, uktu Bawipa naw ka pyen nei.