JEREMIAH 8:17 - Cho Bible Common Language 2016

¹⁷ Bawipa naw pyen ci, “Ngäng vä, nami ng’lung ah k’phyu gui ka tüi lawk khai, a u naw kä a m’hlawt ah k’phyu m’äm mah gui ka tüi lawk khai, cun gui naw ning k’dawk gui kahi.”

JEREMIAH 8:17 Referans Kwoze

THUSHÄUTU 10:11

K’phyu naw aning k’dawk ma vai ah na bi ah akyak ung, phyu m’hlen nak ah mawng na hmat cu akholä ah kyak ci.

THULÄÄN NAK 32:24

Ngami cu ei ah cawi ne gaw ne sik khai gui, Ngami cu kyih vai ah natnak gui awn sik khai gui. Ngami tu gui khai ah kei naw khisa gui ka tüi khai. Am äm mah ah phyu naw k’dawk gui khai.

KHEI NAK 21:6

Cun kawn ah Bawipa naw am m’äm mah ah phyu gui cu chang gui ah ng’lung ah tüi sei, chang akda cu phyu naw k’dawk gui sei sik ci gui.

THU PHLAAN 9:19

Ng’se gui ah huham cu ami m’gawng la ami ng’mei ung om ci. Ami ng’mei gui ung k’phyu ah mäih ah ami lu om sei, acun naw chang gui cu m’so m’leik sak gui khai.

AMOS 9:3

Ngami cu Kamela m’htung lai ah ami ng’thuh ung phi, shui ba gui ne ka pha ba gui khai. Ngami cu tuinu ah khui ah ami ng’thuh ung phi, tuinu phyung hlui am ka htuih sak gui khai.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

SAM 58:6

O Khanpughi, shin ah kawng gui ah ha cu cheiuh pe gui ä.