JEREMIAH 8:16 - Cho Bible Common Language 2016

¹⁶ Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

JEREMIAH 8:16 Referans Kwoze

SUKI GUI 18:29

Aming phi m’thawng u ne, Laish ungka naw Dan ah sui ci gui. Cun cu Jakob ah hta, ami pupa Dan ah ming ah kyak ci.

SUKI GUI 5:22

Ng’se gui cu ng’hlü u ne, m’dek ung ami khawpaw päu sei dawng lawk ci gui.

1 KORIN 10:28

Cun ung phi chang tumatmat naw, “shin ah ei cu m’ghuthaa nak nei” ci ne a pyein ah a kyak ung; cun ah ning m’thein gui ciah chang ah hmawk la m’lung ang cim vai ah hmawk ah, cun ah ei cu kä nami ei tu vai.

1 KORIN 10:26

Cacim naw, “Khomdek la khomdek khan ung om ci ng’nü cu Khanpughi naw khäm ci” cine pyein ci.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

NAHUM 3:2

Ngai ä! htung awn thah a k’aw, Ng’hle ping ah ng’kyeet k’aw gui, Ng’se gui ah yon phäi gui, yatha gui ah dawng ah k’aw gui,

JEREMIAH 47:3

Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

JEREMIAH 10:25

Nang kä ning khawihnah ci gui ah pakhui gui la nang ning hnu nak ciah chang gui ah khan ah na m’lungshe nak cu ng’hlah sak ä. Ngami naw na chang gui ngawn ci gui; Ngami naw keimi cu akbe ah na m’di gui ci gui, Kami ah khaw cu m’di shüt ci gui nei.

JEREMIAH 6:23

Ngami naw ami lo gui la ami khim sem gui cu la ge ci gui; ngami cu m’ghämce u ne chingein nak kä om ci gui. Ngami cu ng’se gui ng’cum u ne tuinu ah ng’hmum ah mäih ah kyak ci gui. Ngami cu Jerusalem hnungtuk ne tuk ge vai ah kyak ci gui.”

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

JOB 39:20

Nang naw ngami cu khanpeh ah mäih ah yon ng’phäi sak gui ne ami hna küi awn chang gui kyihkyawk sak gui cicu nang ah bi ma?

JEREMIAH 3:24

Cun ung phi Baala, lümg aa nak ah khanpughi khawihnah nak naw cau pui tün ne kami pupa gui naw ami bilawh law gui nü-htome nak, seipat mak gui, hta pami, hta hnumi gui avan shum sak yawp ci nei.

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.