JEREMIAH 8:14 - Cho Bible Common Language 2016

¹⁴ “A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

JEREMIAH 8:14 Referans Kwoze

JEREMIAH 23:15

“Cun ah kya sei, shin cu kei, m’gäi ciah Bawipa naw Jerusalem prophet gui ah mawng ka pyen cu: kei naw ngami am ami ei vai sing kha pe gui ne, ami awk vai ng’tuui tui ka pe gui khai, a i ah kyasei ci ung ngami naw khanpughi a shekha ah mawng khaw avan ung ami gawk sak ah phäh ah kyak ci.”

JEREMIAH 9:15

Cun ah kya sei, kei, m’gäi ciah Bawipa, Israel Khanpughi naw ka bi law vai cu ngai vä: kei naw ka chang gui am amiei vai geit kaw akha gui la ami awk vai m’guui vai gui cu ka pe gui khai nei.

NG’ÄI KYAH 3:19

Ka ngaih-tüh cu ka m’neh nak ah kyak ci, a im kaa ah ka kyak nak cu m’äm akha ah kyak ci nei,

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

MATTHE 27:34

Seikha awn ami k’caw ah sapyit tui cu Bawipa Jesuh-am tu gui. Bawipa Jesuh naw, m’dep shüm netah kä awk ah nawng ci.

SAM 69:21

Ei ka cawi sang ung zeeih ei na m’bei ci gui, tui ka gha sang ung ng’tuui tui na tu ci gui.

2 SAMUEL 20:6

Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

AMOS 6:10

Sik ciah mätyah, sih htüm nak ung tängpang ci naw gook cu im ah k’pung ah luh law püi khai. Cun ah mätyah naw im kyong ah om ba cicu khü neta, “Nang awn atäng ah tumat mat om ba ne ang?” cine ng’shik khai, chang naw “Ka nei” cine m’shang khai. Cun kawn ah mätyah naw, “Düm ah om vä, mi geing nak khai, Bawipa ah ming phi kä mi pyen khai” cik ci.

JEREMIAH 14:20

Bawipa, nang ning hnungtuk püi ne kami hmakat cu, kami mät ah katnak la pupa gui ah katnak cu kami ng’kiaa ci nei.

SAM 39:2

A düm ah ka om ci, m’khä ät ah phi kä ka ng’thu ci, akni ah mawng phi kä ka pyen ci! Cun ung phi ka yaica nak däm law pi k’täi ci.

THULÄÄN NAK 32:32

Ami ga gui naw Sodom la Komorrah ah mäih ah m’shet gui ci. Ngami cu akha la am äm mah ah m’theih ciah sapyit ah mäih kyak ci gui.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

JEREMIAH 14:7

Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.