JEREMIAH 7:9 - Cho Bible Common Language 2016

⁹ Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 7:9 Referans Kwoze

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

PHYAWN NAK 20:3

Kei ah kawn ah a hei khanpughi kä nami khawihnah vai.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

ROMAN 2:2

Cun ah mäih ah bik ciah chang Khanpughi naw am kat cu, ng’düng ciah mi hmat ci nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

EZEKIEL 18:18

Vangtäng ah apa cu hleei ci, gut tep ci, Chang nü ah khan ah ak she bik ciah a kyak ung, ani cu amät ah bi ah hma nak awn sik ci.

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

THULÄÄN NAK 32:17

Akcang ah kä kyak ciah khanpughi gui khawihnah ci gui Cun gui cu ami pupa gui naw kä a hmat man ah Khanpughi akthai gui ah kyak ci. Israel gui naw kä ami läk ah khanpughi gui ah kyak ci.

ISAIAH 1:13

Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

JEREMIAH 19:4

Kei naw shin ah ka bi lawk khai a i ah kyasei ci ung chang gui naw kei na nawng u ne ahei khanpughi gui am khawihnah nak ami douthak nak awn shin ah hmun cu lelawi sak ci gui. Cun ah khanpughi gui cu ami mät ami pupa gui la Judah ghangpughang gui a u naw phi kä a hmat ah kyak ci. Ngami naw shin ah hmun cu changnigui ah si awn be sak ci gui,

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 44:9

Nami pupa gui Judah ghangpughang gui la ami chu gui nang mi la nami chu gui naw Judah gaw nu gui la Jerusalem lam gui ung akshe ami bi gui avan cu nami m’hnih u ne ma?

JEREMIAH 48:35

Moab chang gui naw ami Khawihnak nak ung m’khin ne ani douthak nak la ami khanpughi gui am khawihnak ami douthak nak cu kei naw ka m’düm khai nei. Kei, Bawipa naw ka pyen nei.

EZEKIEL 5:11

“Cun ah kyasei kei ghing ciah khanpughi-uktu Bawipa ah ng’thu nei-ai ah kyasei ci ung nangmi naw akshe kha avan awn ka Taigüim cu lelawi sak u ne, shemshai ci gui cu name bik ci, kei naw nangmi cu kä Chimgein ne ka ning tupit gui khai.

EZEKIEL 23:39

Ngami naw kei ah ka hta gui ngawn ne agup gui ami khawihnah nak ah hnüüp ba ung, ngami cu my lai gü Im ah law ne lelawi sak ci gui!

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

AMOS 4:5

Hteit ma u ne nami m’htut cu Khanpughi am yeikyai nak ah nami douthak vai nei. Akdäm nami law püi ah khawihnah nak ah mawng cu nami shäu vai. Cun cu nangmi naw m’hni ne nami bi hlü ah kyak ci.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

EZEKIEL 20:30

Tuhbäi kei, uktu Bawipa naw ka pyen cu Israel gui am m’thein gui ä. A i ah kyasei nangmi naw nami pupa gui ah katnak cu bi u ne, ami a gup gui ah hnu ah nami gawt gui ang?