JEREMIAH 7:7 - Cho Bible Common Language 2016

⁷ Nangmi nami ng’thawng ah a kyak ung, kei naw shin ah khi ung ka ning om sak gui khai. Shin cu nami pupa gui am khongläu ung ami kaa nak vai ah ka pek gui ah kyak ci.

JEREMIAH 7:7 Referans Kwoze

THULÄÄN NAK 4:40

Kei naw tuhngawi ka ning pek gui ah ang thukhän avan cu läk vä. Avan cu nangmi la nami htangshon gui ung akni ah hteit khai. Bawipa nami Khanpughi naw khong län ung nami kaa nak vai ah a ning pek gui ah khaw ung nangmi cu k’täi ne nami om khai.”

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

JEREMIAH 3:18

Israel cu Judah awn ng’dawn ne, khaw ah a siiptäng om k’tu khaw ah ka law u ne, nami pupa gui am angtäi sei ami kaa nak vai ah ka pek gui ah khaw ung lawk khau gui.

2 SHONTÄP NAK 33:8

Israel chang gui naw ka ng’thumkhän avan läk u ne ka changshäm Moses ah pek gui ah thukhän avan ami k’pam ah a kyak ung, ami pupa gui am ka pek ah khaw ungka ami k’täm gui vai ah kä ka shai m’cha khai.”

PHYAWN NAK 22:22

A u hmeihta, hmeinu phi kä nami shedam nak vai.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

ISAIAH 1:19

Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.