JEREMIAH 7:6 - Cho Bible Common Language 2016

⁶ Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

JEREMIAH 7:6 Referans Kwoze

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

THULÄÄN NAK 11:28

Plah taam, shin ah thumkhän gui kä läk ne kä nami khawihnah man ah khanpughi gui ng’hlah shi ne nami khawihnah ah a kyak ung, nami gah khai.

JEREMIAH 2:34

Nami suisak gui cu dukhaih ci gui la changnigui ah si awn kawp ci nei, cun cu m’guk-ei gui ah si ah kä kyak ci nei. “Cun ung phi shin gui avan nak vai sü ung.”

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 19:4

Kei naw shin ah ka bi lawk khai a i ah kyasei ci ung chang gui naw kei na nawng u ne ahei khanpughi gui am khawihnah nak ami douthak nak awn shin ah hmun cu lelawi sak ci gui. Cun ah khanpughi gui cu ami mät ami pupa gui la Judah ghangpughang gui a u naw phi kä a hmat ah kyak ci. Ngami naw shin ah hmun cu changnigui ah si awn be sak ci gui,

ISAIAH 59:7

Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

THULÄÄN NAK 27:19

“Khanpughi ah plah taam nak cu khaw hei chang gui, hmei hta gui, hmei nu gui ah gah vaisü, chei sak ciah chang päng ah khan ah gawk sä. “Chang avan naw ami m’shan vai cu, ‘Amen!’

THULÄÄN NAK 24:17

“Khaw hei chang gui la hmei hta gui ah ami gah vai cu kä nami m’chei pek gui vai; hmei nu ah khuih yih cu ngui kyäu ah phäh ah kä nami lak pek vai.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

EZEKIEL 18:6

Ani naw Israel gui ah a gup gui cu kä khawihnah khai, k’hmau ah khawih kiang ung khawihnak douthak cu kä ei khai. Ani naw Chang ah chu hta kä kat püi khai, a cha shui law yah ciah hnumi kä zaw khai.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

JEREMIAH 7:5

“Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

2 GHANGPUGHANG GUI 24:4

aktung pi ah ani naw chang ni gui avan a ngawn gui ah phäh ah kyak ci. Cun ah phäh ah Bawipa naw Manasseh cu kä m’geinsei ci.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

TAIGÜTHUM 19:33

“Nami khaw ung om tuk ci gui ah khaw hei chang gui cu akshe ah kä nami om nak gui vai.

NG'THU K'THUUK~ 23:10

Ng’giilung phyim cu kä nami m’hnawn vai. Hmeihta ah khaw hmun cu kä nami guh pek vai.