JEREMIAH 7:5 - Cho Bible Common Language 2016

⁵ “Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

JEREMIAH 7:5 Referans Kwoze

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

ISAIAH 1:19

Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.

EZEKIEL 18:17

Ani naw akshe bi vai cu mak ci, ngui ataw ah kä ng’pu ci. Ani naw kei ah thukhän gui cu k’pang ci, ka thumkhän gui cu läk ci, Ani cu apa ah katnak ah phäh ah kä sik khai, cun ung phi ani cu akcang ah ghing khai.

EZEKIEL 18:8

Ani naw ngui a taw ah kä ng’pu ci. Ani cu akshe bi vai ah mak ci, Ng’cuh can nak päng ung düng nak awn m’khoi chak ci.

ISAIAH 16:3

Ngami naw Judah chang gui ami pyen nak gui cu, “A i bi vai cu na m’thein gui vä. Hnüüp lung kholing ung gei khai ah hnim ciah sing ghing ah mäih ah keimi cu na shungvong gui vä, nami ng’hnim ung na ng’düm sak gui vä, Keimi cu chang geinvai gui nei; a u naw kä ana hmuh nak gui vai ung na thup gui vä.

SUKI GUI 21:12

Jebesh ung om ciah chang gui ungka lamihta phia phli om sei hmuk ci gui, cun gui cu ngami naw Shilon phung ah law püi ci gui, cun cu Kaanan khaw ung ah kyak ci.

SUKI GUI 5:1

Cun hnüüp ung Deborah la Abinoam ah hta Barak cu shin ah ng’äi ci goi:

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

JEREMIAH 22:15

Nang naw cedar sing awn im co ne, ahei im gui ah ta niba pi khai ah na pyan ung phi, cun naw bä ba pi ciah ghangpughang ah ning pyan khai ang? Nang ah napa cu a ghin ah chuih zeikia ci. Akphlüt ah ng’düng ne taga ci, ani abi lawk nak nü ung bämcam ci.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

EZEKIEL 18:5

“A vai sü ah Chang k’ni, Chang dung, Chang veih aom ah a kyak ung.