JEREMIAH 7:34 - Cho Bible Common Language 2016

³⁴ Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

JEREMIAH 7:34 Referans Kwoze

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

EZEKIEL 26:13

Kei naw nami ng’äi gui avn ng’pyi sak ne, nami tumkhawn ah tingtäng gui ka dip sak khai.

JEREMIAH 25:10

Yeikyai nak la lünlawi nak ah k’aw gui la ng’kawi cang nak pawi ah k’aw gui cu kei naw ka deeih sak khai nei. Ngami ung mei-im ungka vai situi phi kä om ba khai, pümhta phi kä om ba khai.

JEREMIAH 16:9

Kei m’aäi ciah Bawipa, Israel Khanpughi naw ka pyen cu nami ngaih vai. Ami zeikiai, lün lawi nak ah k’aw gui la hta m’um pawi ung ami yeikyai nak ah k’paw gui cu ka dim sak khai. Cun ah a kyak gui cu shin ung om ciah chang gui naw hmuk khai gui.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

JEREMIAH 4:27

(Bawipa naw pyen ci, khomdek khan avan cu loung khonggau ah kyak khai, cun ung phi ani naw avan kä m’di yawp hnga khai.)

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

JEREMIAH 33:10

Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

SAM 78:63

Pami nong gui cu ng’tuk nak ung ngawn gui u sei, hnumi nong gui ah ami cei vai kä om ba ci.

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

JEREMIAH 27:17

Ngami kä nami ngaih gui vai! Babilonia Ghangpughang ah nami ng’kiaa vai, nangmi nami ghing khai! A i ah kyasei shin ah mang gaw di ne ang pum vai ang?

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

NG’ÄI KYAH 5:14

Ghi ng’vai chang gui cu mang gaw m’kawt ung kä ngo ba ci gui. Chang nong gui kä tum khawng ba ci gui.

JOB 3:7

Cun ah mü cu pang ne dim ship ship sä, yei nak maih ciah mü ah kya sä.

JEREMIAH 4:26

Anglei nik ciah khaw cu khaw ng’gau ah kyak ci; Bawipa ah nui aih ciah amlungshe nak awn acun ung mang gaw gui cu di yawp ci.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

EZEKIEL 7:11

Cawi m’saa nak naw shekha nak da sak pi ci nei. Ami ng’yak hkü ai kä om ba khai nei, ami khawh chawm, ami ming thang nak, ami bämang nak, ai kä om ba khai nei.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.