JEREMIAH 7:33 - Cho Bible Common Language 2016

³³ Gook gui cu kha gui la khisa gui ah buh ei ah kyak ci, cun ung cun gui k’täm khai a u phi kä om ci.

JEREMIAH 7:33 Referans Kwoze

JEREMIAH 12:9

Kei ah ka ghü ah chang gui cu k’phle gui naw avan ung vun ne ami tuk ah kha ah mäih ah kyak ci gui nei. Khisa gui law ne ei ami ei law tu vai ah khü gui vä!

THULÄÄN NAK 28:26

Nangmi nami sih ung kha gui la khisa gui cu law u ne, nami pumsa cu ei khai gui. Cun gui cu a u naw phi kä k’täm gui khai.

EZEKIEL 39:4

Kok la a gakap gui, la ang khawt püi gui cu Israel khomhtung khan ah kyi ne sik khai gui, ngami ah pumsa gui cu kha gui avan la khisa gui ah ami ei vai ah kyak khai.

JEREMIAH 34:20

Kei naw ngami cu, ngawn gui hlük ciah ami ga gui am ka ap gui khai, ngami ah ami gook gui cu kha gui la khisa gui naw ei gui khai.

JEREMIAH 25:33

Cun ah hnüüp ung Bawipa naw a ngawn ah chang ah pumsa gui cu, khocawi vang ungka naw vang ah khüt khai ah ng’zaih ne ng’zän khai gui. Ngami ah phäh ah a u phi kä thüisei khai, a u naw phi la ne kä m’ciim gui khai. Ngami cu eek ah mäih ah m’dek ung ng’pum khai gui.

JEREMIAH 22:19

Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 9:22

Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

ISAIAH 18:6

Ami gakap gui ah ami geok gui cu kha gui la khisa gui ah ma ah m’auh ne nawng khai gui. Khaw cha ah kha gui naw, khawsik ah khisa gui naw, cun ah ami gook gui cu ei khai gui.”

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

EZEKIEL 29:5

Kei naw nang la nga gui avan cu khong gau khaw ah ka ning ghawt gui khai. Na pumsa cu khomdek ung kya lawk khai, kä phuh ah ning nawng khai gui. Kei naw kha gui la khisa gui am ami ei vai ah ka pe gui khai.

THULÄÄN NAK 8:20

Bawipa ah thu kä nami läk ah a kyak ung, ami ma ung ani naw am di law gui vai ah pakhui gui ah mäih ah nangmi phi ning m’di gui khai.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.